തിരുവനന്തപുരം:നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ 14 നിയോജക മണ്ഡലങ്ങളിലും മത്സരിച്ച സ്ഥാനാർത്ഥികളുടെ ചെലവ് കണക്കിന്റെ അവസാനവട്ട പരിശോധന 25, 26, 27 തീയതികളിൽ കളക്ടറേറ്റ് കോൺഫറൻസ് ഹാളിൽ നടക്കുമെന്ന് തിരഞ്ഞെടുപ്പ് എക്സ്‌പെൻഡിചർ മോണിറ്ററിംഗ് സെൽ നോഡൽ ഓഫീസർ അറിയിച്ചു.

വർക്കല, ആറ്റിങ്ങൽ, ചിറയിൻകീഴ് മണ്ഡലങ്ങളിലെ സ്ഥാനാർത്ഥികളുടെ ചെലവുകണക്ക് പരിശോധന 25ന് ഉച്ചവരെയും നെടുമങ്ങാട്, വാമനപുരം, അരുവിക്കര മണ്ഡലങ്ങളുടെ പരിശോധന ഉച്ചയ്ക്കു ശേഷവും നടക്കും. കഴക്കൂട്ടം, തിരുവനന്തപുരം മണ്ഡലങ്ങളിലെ സ്ഥാനാർത്ഥികളുടെ പരിശോധന 26ന് ഉച്ചവരെയും വട്ടിയൂർക്കാവ്, നേമം മണ്ഡലങ്ങളുടെ പരിശോധന ഉച്ചയ്ക്കുശേഷവും നടക്കും. 27ന് ഉച്ചവരെയാണ് പാറശാല, കാട്ടാക്കട എന്നിവിടങ്ങളിലെ ചെലവുകണക്ക് പരിശോധന. ഉച്ചയ്ക്കുശേഷം കോവളം, നെയ്യാറ്റിൻകര മണ്ഡലങ്ങളുടെ പരിശോധനയും നടക്കും.