വെഞ്ഞാറമൂട്: അപ്രതീക്ഷിതമായി പ്രഖ്യാപിച്ച ലോക്ക് ഡൗണിൽ തകർന്നത് വസ്ത്ര വ്യാപാരികളുടെ പ്രതീക്ഷയാണ്. കഴിഞ്ഞ ഒരു വർഷമായി വസ്ത്ര വിപണി ദുരിതത്തിലാണ്. പ്ര​ള​യ ദു​രി​ത​ത്തി​ൽ​നി​ന്നും ആദ്യ കൊവിഡ് ​ ദുരി​ത​ത്തി​ൽ​നി​ന്നും ക​ര​ക​യ​റി വ​രു​ന്ന​തി​നി​ടെ​യാ​ണ്​ ഇ​രു​ട്ട​ടി​യാ​യി കൊവിഡ് കേസുകൾ വർദ്ധിച്ചതും വീ​ണ്ടും ​ ലോക്ക് ഡൗ​ൺ വ​ന്ന​തും. ഇത് വ​സ്​​ത്ര വ്യാ​പാ​ര സ്ഥാ​പ​ന​ങ്ങ​ളു​ടെ നി​ല​നി​ൽപ്പു​ത​ന്നെ ഭീ​ഷ​ണി​യി​ലാ​ക്കി. പെ​രു​ന്നാ​ൾ വി​പ​ണിയും, സ്കൂൾ തുറക്കലും മു​ന്നി​ൽ ക​ണ്ട് ല​ക്ഷ​ങ്ങ​ളുടെ സാ​ധ​ന​ങ്ങ​ൾ മു​ൻ​കൂ​ട്ടി ഇ​റ​ക്കി​യ​വ​രാ​ണ്​ പ​ല​രും. ക​ഴി​ഞ്ഞ ത​വ​ണ നേ​ര​ത്തെ ലോക്ക് ഡൗ​ൺ പ്ര​ഖ്യാ​പി​ച്ചി​രു​ന്ന​തി​നാ​ൽ വ​സ്​​ത്രവ്യാ​പ​രി​ക​ൾ സാ​ധ​ന​ങ്ങ​ൾ ഇ​റ​ക്കി​യി​രു​ന്നി​ല്ല. എ​ന്നാ​ൽ ഇ​ത്ത​വ​ണ വ​ലി​യ​തോ​തി​ലാ​ണ്​ വ്യാ​പാ​രി​ക​ൾ സാ​ധ​ന​ങ്ങ​ൾ​ ഇ​റ​ക്കി​യ​ത്. ജി.​എ​സ്.​ടി​യാ​യും വ​ൻ തു​ക അ​ട​ച്ചു. ആ​ക​ർ​ഷക​മാ​യ ഓഫ​റു​​ക​ൾ പ്ര​ഖ്യാ​പി​ച്ച് പെരുന്നാളും, സ്കൂൾ തുറക്കലും പ്രതീക്ഷിച്ചിരിക്കുമ്പോഴാണ് ​ വ്യാ​പാ​രി​ക​ളെ ലോ​ക്കാ​ക്കി വീ​ണ്ടും ലോക്ക് ഡൗ​ൺ വ​ന്ന​ത്.

ഓണം, വിഷു, റംസാൻ, ക്രിസ്മസ്, സ്കൂൾ തുറക്കൽ തുടങ്ങിയ സീസണുകളിലാണ് പ്രധാനമായും വസ്ത്ര വ്യാപാരികളുടെ കൊയ്ത്തുകാലം.

പ്രതീക്ഷ അസ്തമിക്കുന്നു

പെ​രു​ന്നാ​ൾ - സ്കൂൾ തുറക്കൽ വി​പ​ണി സ​ജീ​വ​മാ​കു​ന്ന​തോ​ടെ മു​ൻ വ​ർ​ഷ​ത്തെ ന​ഷ്​​ടം നി​ക​ത്താ​മെ​ന്നും ക​ച്ച​വ​ടം സ​ജീ​വ​മാ​കുമെ​ന്ന പ്ര​തീ​ക്ഷ​യി​ലാ​യി​രു​ന്നു വ്യാപാരികൾ. കൊവിഡ്​ കേസുകൾ വർദ്ധിച്ചതും ലോക്ക് ഡൗൺ പ്രഖ്യാപിച്ചതും​ വ്യാ​പാ​രി​ക​ൾ​ക്കൊ​പ്പം സ്ഥാ​പ​ന​ങ്ങ​ളി​ൽ ജോ​ലി ചെ​യ്​​തി​രു​ന്ന ആ​യി​ര​ക്ക​ണ​ക്കി​ന്​ തൊ​ഴി​ലാ​ളി​ക​ൾ​ക്കും വെല്ലുവിളിയായി. മു​ൻപ് എ​ങ്ങു​മി​ല്ലാ​ത്ത ക​ടു​ത്ത പ്ര​തി​സ​ന്ധി​യാ​ണ്​ മേ​ഖ​ല അ​ഭി​മു​ഖീ​ക​രി​ക്കു​ന്ന​ത്. ജി​ല്ല​യി​ലെ പ്ര​മു​ഖവസ്ത്ര വ്യാപാര സ്ഥാപനങ്ങളെല്ലാം കോ​ടി​ക്ക​ണ​ക്കി​ന്​ രൂ​പ​യു​ടെ വ​സ്​​ത്ര​ങ്ങ​ളാ​ണ്​ പെ​രു​ന്നാ​ൾ സീ​സ​ൺ മു​ന്നി​ൽ ക​ണ്ട്​ ഇ​റ​ക്കി​യ​ത്. ചെ​റി​യ ന​ഗ​ര​ങ്ങ​ളി​ലു​ള്ള ക​ട​ക​ൾ വ​രെ അ​ഞ്ച്​ ല​ക്ഷം മു​ത​ൽ മു​ക​ളി​ലോ​ട്ടു​ള്ള വ​സ്​​ത്ര​ങ്ങ​ൾ പു​തിയ​താ​യി വാ​ങ്ങി​യി​ട്ടു​ണ്ടെ​ന്ന്​ വ്യാ​പാ​രി​ക​ൾ പറയുന്നു.

ട്രൻഡിലെ മാറ്റങ്ങൾ വ്യാപാരികളെ ആശങ്കയിലാക്കുന്നു

നി​ല​വി​ലെ ട്രെ​ൻ​ഡ​നു​സ​രി​ച്ച്​ ഇ​റ​ക്കി​യ വ​സ്​​ത്ര​ങ്ങ​ൾ മാ​സ​ങ്ങ​ൾ ക​ഴി​ഞ്ഞാ​ൽ ​ഫാ​ഷ​ൻ പോ​വു​മെ​ന്ന​തും വ്യാ​പാ​രി​ക​ളെ ആ​ശ​ങ്ക​യി​ലാ​ക്കു​ന്നു​​ണ്ട്​. സ്​​ത്രീ​ക​ളു​ടെ​യും കു​ട്ടി​ക​ളു​ടെ​യും വസ്ത്രങ്ങളും പുരുഷൻമാരുടെ ഷർട്ടുമാണ്​ പെ​ട്ടെ​ന്ന്​ ട്രെ​ൻ​ഡ്​ മാ​റു​ന്ന​ത്. ക​ല്യാ​ണവ​സ്​​ത്ര​ങ്ങ​ളും പു​തി​യ​കാ​ല​ത്ത്​ മാ​സ​ങ്ങ​ൾ​കൊ​ണ്ട്​ ​ട്രെൻ​ഡ്​ മാ​റി​ക്കൊ​ണ്ടി​രി​ക്കു​ക​യാ​ണ്.

സീസണുകളും തുണച്ചില്ല

വിഷു, പെരുന്നാൾ സീ​സ​ണു​ക​ൾ ക​ഴ​ഞ്ഞാ​ൽ വ​സ്​​ത്ര വി​പ​ണി​യെ പി​ടി​ച്ചു​നിറു​ത്തു​ന്ന​ത്​ ക​ല്യാ​ണ സീ​സണും ഓണവുമാണ്. സാ​ധാ​ര​ണ മിഥുനം, ചിങ്ങം മാസങ്ങളിൽ നിരവധി കല്യാണങ്ങൾ നടക്കേണ്ടതാണ്. എ​ന്നാ​ൽ, കൊവി​ഡ്​ പ്ര​തി​സ​ന്ധി​യി​ൽ ക​ല്യാ​ണ​ങ്ങ​ൾ ചെ​റി​യ പാ​ർ​ട്ടി​ക​ളാ​യി ചു​രു​ങ്ങിയതോടെ വ​സ്​​ത്ര വ്യാ​പാരമേ​ഖ​ലയ്ക്ക് ക​ന​ത്ത തി​രി​ച്ച​ടി​യായി.