തിരുവനന്തപുരം: വഴുതക്കാട് പ്രവർത്തിക്കുന്ന കാഴ്ചപരിമിതർക്കുവേണ്ടിയുള്ള സർക്കാർ വിദ്യാലയത്തിൽ 2021-22 അദ്ധ്യയന വർഷം ഒന്നു മുതൽ ഏഴ് വരെയുള്ള ക്ലാസുകളിലേക്ക് പ്രവേശനം തുടങ്ങി. 40 ശതമാനമോ അതിന് മുകളിലോ കാഴ്ചക്കുറവുള്ളവർക്കാണ് പ്രവേശനം. ആൺകുട്ടികൾക്കും പെൺകുട്ടികൾക്കും പ്രത്യേകം ഹോസ്റ്റൽ സൗകര്യവും ഭക്ഷണവും കുട്ടികളെ പരിചരിക്കാൻ ജീവനക്കാരുടെ സേവനവും ലഭ്യമാണ്.

പൊതുവിഷയങ്ങൾക്കു പുറമേ ഉപകരണ സംഗീതം, സംഗീതം, അനുയോജ്യമായ ആധുനിക വിവരസാങ്കേതിക വിദ്യ, ദിനചര്യ പരിശീലനം, കായിക വിദ്യാഭ്യാസം എന്നിവയുണ്ടാകും. പഠനം മെച്ചപ്പെടുത്തുന്നതിന് ബ്രെയിൽ ലൈബ്രറിയും ലഭ്യമാണ്. പ്രവേശനം ആഗ്രഹിക്കുന്ന വിദ്യാർത്ഥിയുടെ രക്ഷിതാക്കൾ കത്ത് മുഖേനയോ നേരിട്ടോ ഓഫീസുമായി ബന്ധപ്പെടണം. വിലാസം: ഹെഡ്മാസ്റ്റർ,കാഴ്ചപരിമിതർക്കുവേണ്ടിയുള്ള സർക്കാർ വിദ്യാലയം, വഴുതക്കാട്, തിരുവനന്തപുരം, ഫോൺ: 04712328184, 8547326805. ഇ-മെയിൽ: gbs.tvpm@gmail.com, വെബ്‌സൈറ്റ്: www.gsvt.in.