തിരുവനന്തപുരം: സർക്കാർ അവഗണനയ്ക്കെതിരെ ആശാ വർക്കർമാർ സംസ്ഥാനവ്യാപകമായി പ്രതിഷേധ ദിനം ആചരിച്ചു. ആരോഗ്യ വകുപ്പിൽ സ്ഥിരപ്പെടുത്തുക, 21,000 രൂപ മിനിമം വേതനം നൽകുക, കൊവിഡ് റിസ്‌ക്ക് അലവൻസ് പ്രതിമാസം 15,000 രൂപ നൽകുക, കൊവിഡ് സുരക്ഷാ സാമഗ്രികൾ ലഭ്യമാക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പ്രതിഷേധം. ജില്ലയിലെ വിവിധ ആശുപത്രികൾക്ക് മുമ്പിലും മ​റ്റ് തൊഴിൽ ഇടങ്ങളിലും ആശാ വർക്കർമാർ പ്രതിഷേധ പരിപാടിയിൽ പങ്കാളികളായി. ആരോഗ്യമന്ത്രിക്ക് നിവേദനം നൽകി.