ബാലരാമപുരം: ബാലരാമപുരത്ത് കൊവിഡ് രോഗികൾക്കും നിർദ്ധനർക്കും സായാഹ്ന ഭക്ഷണമെത്തിക്കുന്നതിന്റെ ഭാഗമായി ബി.ജെ.പിയുടെ ആഭിമുഖ്യത്തിൽ നമോ കിച്ചൺ പ്രവർത്തനം തുടങ്ങി. കോവളം മണ്ഡലം കാര്യാലയത്തിൽ ബി.ജെ.പി സംസ്ഥാന സെക്രട്ടറി അഡ്വ.എസ്. സുരേഷ് ഉദ്ഘാടനം ചെയ്‌തു. ബി.ജെ.പി സംസ്ഥാന അദ്ധ്യക്ഷൻ കെ. സുരേന്ദ്രൻ,​ ജില്ലാ പ്രസിഡന്റ് വി.വി. രാജേഷ് എന്നിവർ നമോ കിച്ചൺ സന്ദർശിച്ചു.
ജില്ലാ ജനറൽ സെക്രട്ടറി വെങ്ങാനൂർ സതീഷ്,​ മണ്ഡലം സെക്രട്ടറി എ. ശ്രീകണ്ഠൻ,​ ബി.ജെ.പി നോർത്ത് പഞ്ചായത്ത് കമ്മിറ്റി പ്രസിഡന്റ് പുന്നക്കാട് ബിജു, സൗത്ത് കമ്മിറ്റി പ്രസിഡന്റ് രജു ഐത്തിയൂർ,​ വാർഡ് മെമ്പർമാർ തുടങ്ങിയവർ സംബന്ധിച്ചു. ഇന്നലെ 1400 പേർക്ക് സായാഹ്നഭക്ഷണം വിതരണം ചെയ്‌തു.