തിരുവനന്തപുരം: ഇന്ദ്രജാലമെന്ന കലാരൂപത്തെ ജനകീയമാക്കുന്നതിനൊപ്പം അതിന്റെ ശാസ്ത്രീയാടിത്തറ ജനങ്ങളെ ബോദ്ധ്യപ്പെടുത്തുന്നതിൽ നിർണായകമായി മാറിയ മാജിക് അക്കാഡമിക്ക് 25 വയസ്. മജീഷ്യൻ ഗോപിനാഥ് മുതുകാടിന്റെ നേതൃത്വത്തിൽ ആരംഭിച്ച അക്കാഡമി ഏഷ്യയിലെ ആദ്യത്തെ മാജിക് പഠനകേന്ദ്രമായി മാറിയത് കേരളത്തിനും നേട്ടമായി.

1996 മേയ് 31ന് അന്നത്തെ സാംസ്‌കാരിക മന്ത്രി ടി.കെ. രാമകൃഷ്ണനാണ് അക്കാഡമി ഒഫ് മാജിക്കൽ സയൻസ് എന്ന മാജിക് അക്കാ‌ഡമിയുടെ ഉദ്ഘാടനം നിർവഹിച്ചത്. മലയാറ്റൂർ രാമകൃഷ്ണനായിരുന്നു സ്ഥാപക രക്ഷാധികാരി. തുടർന്ന് ഒ.എൻ.വി. കുറുപ്പ് വഹിച്ചിരുന്ന സ്ഥാനം ഇപ്പോൾ അടൂർ ഗോപാലകൃഷ്ണനാണ്.

ഇ​ന്ദ്ര​ജാ​ല മേ​ഖ​ല​യി​ലെ സ​ജീ​വ സാ​ന്നി​ദ്ധ്യ​മാ​യി മാ​റി​യ അ​ക്കാ​ഡമി 2014ൽ ​തെ​രു​വു​ജാ​ല​വി​ദ്യ​ക്കാ​രു​ടെ​യും ക​ലാ​കാ​ര​ന്മാ​രു​ടെ​യും പു​ന​ര​ധി​വാ​സ​പ്ര​വർത്ത​ന​ങ്ങ​ളു​ടെ ഭാ​ഗ​മാ​യി ലോ​ക​ത്തി​ലെ ആ​ദ്യ​ത്തെ മാ​ജി​ക് മ്യൂ​സി​യ​മാ​യ മാ​ജി​ക് പ്ലാന​റ്റ് ക​ഴ​ക്കൂ​ട്ടം കി​ൻഫ്ര ഫി​ലിം ആ​ൻ​ഡ്​ വീ​ഡി​യോ പാ​ർക്കി​ൽ സ്ഥാ​പി​ച്ചു.

തു​ട​ർന്ന് ഭി​ന്ന​ശേ​ഷി​ക്കു​ട്ടി​ക​ളെ സ​മൂ​ഹ​ത്തിന്റെ മു​ഖ്യ​ധാ​ര​യി​ലേ​ക്ക്​ കൊ​ണ്ടു​വ​രു​ന്ന​തി​ന്​ എം ​പ​വ​ർ, ഡി​ഫ​റന്റ്​ ആർട് സെന്റർ, ഭിന്നശേ​ഷി​ക്കു​ട്ടി​ക​ളു​ടെ അ​മ്മ​മാർക്ക് തൊഴിൽ പ​രി​ശീ​ല​ന കേ​ന്ദ്ര​മാ​യ ക​രി​സ്‌മ സെന്റ​ർ എ​ന്നി​വ സ്ഥാ​പി​ച്ചു. സിൽവർ ജൂബിലി ദിനമായ ഇന്നലെ ഗോപിനാഥ് മുതുകാട്, ചന്ദ്രസേനൻ മിതൃമ്മല, ഡയറക്ടർമാർ എന്നിവർ പങ്കെടുത്ത ഓൺലൈൻ മീറ്റിംഗ് നടന്നു.