 ടെസ്റ്റ് പോസിറ്റിവിറ്റി നിരക്ക് 18. 01%

കൽപ്പറ്റ: ജില്ലയിൽ ഇന്നലെ 486 പേർക്ക് കൊവിഡ് സ്ഥിരീകരിച്ചു. 18.01 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 472 പേർക്ക് സമ്പർക്കത്തിലൂടെയാണ് രോഗബാധ. 6 ആരോഗ്യ പ്രവർത്തകർക്കും രോഗം ബാധിച്ചു. തമിഴ്‌നാട്ടിൽ നിന്ന് വന്ന 12 പേരും കർണാടകയിൽ നിന്ന് എത്തിയ 2 പേരും പോസിറ്റീവായി. ചികിത്സയിലുള്ളവരിൽ ഇന്നലെ 449 പേർ രോഗമുക്തി നേടി.

ഇപ്പോൾ ജില്ലയിൽ 6714 പേരാണ് ചികിത്സയിലുള്ളതെന്ന് ഡി.എം.ഒ ഡോ.ആർ.രേണുക അറിയിച്ചു. 5159 പേർ വീടുകളിലാണ് ഐസൊലേഷനിൽ കഴിയുന്നത്. ഇതുവരെ കൊവിഡ് സ്ഥിരീകരിച്ചവരുടെ എണ്ണം 55,810 ആയി. 48,386 പേർ ഇതിനകം രോഗമുക്തരായി.

സമ്പർക്കം

വെള്ളമുണ്ട 64, ബത്തേരി 49, അമ്പലവയൽ 47, കൽപ്പറ്റ 41, മേപ്പാടി 34, പനമരം 32, എടവക 30, പൂതാടി 24, മുട്ടിൽ 23, തരിയോട് 21, തവിഞ്ഞാൽ 15, മീനങ്ങാടി 14, കോട്ടത്തറ, മാനന്തവാടി 12 വീതം, നെന്മേനി 10, വൈത്തിരി 8, നൂൽപ്പുഴ, മൂപ്പൈനാട് 7 വീതം, പടിഞ്ഞാറത്തറ 6, കണിയാമ്പറ്റ തിരുനെല്ലി 5, പൊഴുതന 4, പുൽപ്പള്ളി 2.

 രോഗമുക്തർ
നെൻമേനി 22, തവിഞ്ഞാൽ 15, പടിഞ്ഞാറത്തറ 13, തരിയോട്, തൊണ്ടർനാട് അഞ്ചു വീതം, കൽപ്പറ്റ, തിരുനെല്ലി, വെള്ളമുണ്ട നാലു വീതം, ബത്തേരി, മാനന്തവാടി, കോട്ടത്തറ 3 വീതം, അമ്പലവയൽ, മുട്ടിൽ, മേപ്പാടി, പനമരം രണ്ടു വീതം, കണിയാമ്പറ്റ, മീനങ്ങാടി, എടവക, മൂപ്പൈനാട്, നൂൽപ്പുഴ, പൊഴുതന, വൈത്തിരി 1 വീതം. വീടുകളിൽ കഴിയുന്നവരിൽ 353 പേർ കൂടി രോഗമുക്തരായി.

 നിരീക്ഷണത്തിൽ 1665
ഇന്നലെ പുതുതായി നിരീക്ഷണത്തിലായത് 1665 പേരാണ്. 2230 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 24,713 പേർ. ഇന്നലെ പുതുതായി 204 പേർ ആശുപത്രിയിൽ നിരീക്ഷണത്തിലായി. ജില്ലയിൽ നിന്ന് ഇന്നലെ 2148 സാമ്പിളുകളാണ് പരിശോധനയ്ക്ക് അയച്ചത്. ഇതുവരെ 4,34,618 സാമ്പിളുകളാണ് പരിശോധനയ്ക്ക് അയച്ചത്. ഇതിൽ 4,33,608 എണ്ണത്തിന്റെ ഫലം ലഭിച്ചു. 3,77,798 പേർ നെഗറ്റീവും 55,810 പേർ പോസിറ്റീവുമാണ്.