ഹരിപ്പാട്: തൃക്കുന്നപ്പുഴ ഗവ. എൽ.പി. സ്കൂളിൽ പ്രവേശനോത്സവം ഓൺലൈനായി സംഘടിപ്പിച്ചു. തൃക്കുന്നപ്പുഴ ഗ്രാമപഞ്ചായത്ത് പ്രസിഡന്റ് വിനോദ് കുമാർ അദ്ധ്യക്ഷനായി. യോഗം ബ്ലോക്ക് പഞ്ചായത്ത് പ്രസിഡന്റ് രുഗ്മിണി രാജു ഉദ്ഘാടനം ചെയ്തു. സിനിമാ സംവിധായകൻ അനിൽ വി. നാഗേന്ദ്രൻ മുഖ്യാതി​ഥിയായി​. ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മി​റ്റി ചെയർമാൻ ടി​.എസ്. താഹ മുഖ്യ പ്രഭാഷണം നടത്തി . ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മി​റ്റി ചെയർപേഴ്സൺ ശാന്തീകൃഷ്ണ,ബ്ലോക്ക് പഞ്ചായത്തംഗം സുധിലാൽ തൃക്കുന്നപ്പുഴ , വാർഡ് മെമ്പർ ലഞ്ചു , സിനിമാ / സീരിയൽ നടൻ ജയലാൽ , യുവ ഗായകൻ അജ്സൽ പാനൂർ, സിനിമാ നടനും ബ്ലോഗറുമായ പ്രഫുലാൽ പ്രസന്നൻ , റേഡിയോ ജോക്കി ബാലു, മുൻ എസ്.എം.സി ചെയർമാൻ രാമചന്ദ്രൻ, അദ്ധ്യാപകനായ മുഹമ്മദ് ഷാഫി അസ്ലാമി ,മുജീബ് റഹ്മാൻ ,ഓമനക്കുട്ടൻ എന്നിവർ ആശംസ അർപ്പിച്ചു. വിവിധ ക്ലാസുകളിലെ പ്രവേശനോത്സവം സാഹിത്യകാരൻ അബ്ദുൾ ലത്തീഫ് പതിയാങ്കര , റിട്ട. ജോ. ആർ.ടി.ഒ സുരേഷ് നടരാജൻ ,രാജീവൻ പുനർജനി , വഞ്ചിപ്പാട്ടുകലാകാരൻ കാർത്തികപ്പള്ളി സത്യശീലൻ എന്നിവർ ഉദ്ഘാടനം ചെയ്തു. എ. ഇ. ഒ . ഹണി റോസ് , ബി.പി.ഒ. സുമംഗല എന്നിവർ പ്രവേശന സന്ദേശം നൽകി. എൽ.എസ്.എസ്. സ്കോളർഷിപ്പ് വിജയികൾക്കുള്ള സമ്മാനദാനം റിട്ട. ഹെഡ്മിസ്ട്രസ് ശ്രീദേവി വിതരണം ചെയ്തു. എസ്.എം.സി. ചെയർപേഴ്സൺ അംബിക സ്വാഗതവും എച്ച്.എം. ഇൻ ചാർജ് നസീമ നന്ദിയും പറഞ്ഞു.