ചേർത്തല: വയലാർ കളവംകോടത്ത് ട്രാൻസ്‌ഫോർമറിൽ നിന്നും ഷോക്കേ​റ്റ് പശു ചത്ത സംഭവത്തെ തുടർന്ന് ട്രാൻസ്‌ഫോർമറിന് ചു​റ്റും സംരക്ഷണ വേലിയൊരുക്കി. തടി കൊണ്ടുള്ള സംരക്ഷണ വേലിയാണ്

കെ.എസ്.ഇ.ബി പട്ടണക്കാട് സെക്ഷന്റെ നേതൃത്വത്തിൽ ഇന്നലെ നിർമ്മിച്ചത്. കളവംകോടം വെട്ടത്തുചിറ വിലാസന്റെ 2 വയസ് പ്രായമുള്ളതും 2 മാസം ഗർഭിണിയുമായ പശുവാണ് 30 ന് വൈകിട്ട്

ഷോക്കേ​റ്റ് ചത്തത്. സംഭവത്തെ തുടർന്ന് പ്രദേശവാസികളിൽ നിന്നും പ്രതിഷേധം ഉയർന്നു. തുടർന്നാണ് അടിയന്തരമായി സംരക്ഷണ വേലി കെട്ടിയത്. കെ.എസ്.ഇ.ബിയുടെ പ്രോജക്ട് മാനേജ്‌മെന്റ് പദ്ധതിയിൽ ഉൾപ്പെടുത്തി ഇരുമ്പുവേലി സ്ഥാപിക്കുന്നതിന് ഉടൻ നടപടി സ്വീകരിക്കുമെന്നും അധികൃതർ പറഞ്ഞു.