ആലപ്പുഴ: ആലപ്പുഴ അസിസ്റ്റന്റ് എക്സൈസ് കമ്മീഷണർ എം.എൻ.ശിവ പ്രസാദിന് ലഭിച്ച രഹസ്യ സന്ദേശത്തിന്റെ അടിസ്ഥാനത്തിൽ ചേർത്തല റേഞ്ച് എക്സൈസ് സംഘം നടത്തിയ റെയ്ഡിൽ 30 ലിറ്റർ വാറ്റ് ചാരായം പിടികൂടി. തണ്ണീർമുക്കം കളങ്ങര വെളി അനന്തന്റെ (വിഷ്ണു - 27) വീടിന്റെ സ്വീകരണമുറിയിൽ വലിയ കന്നാസിലാണ് ചാരായം സൂക്ഷിച്ചിരുന്നത്. പ്രിവന്റീവ് ഓഫീസർ സബിനേഷ് ജിത്തിന്റെ നേതൃത്വത്തിൽ നടന്ന റെയ്ഡിൽ സിവിൽ എക്സൈഡ് ഓഫീസർമാരായ അനിൽകുമാർ, ആന്റണി, വികാസ്, വനിതാ സി.ഇ.ഒ ശ്രീജ, ഡ്രൈവർ ഹരികൃഷ്ണൻ എന്നിവർ പങ്കെടുത്തു.