ആലപ്പുഴ: പരസ്യമായി കഞ്ചാവ് ഉപയോഗിക്കുന്ന വിവരം പൊലീസിനെ അറി​യി​ച്ചതി​ന്റെ വൈരാഗ്യത്തി​ൽ വീട്ടമ്മയേയും ഭർത്താവിനെയും തടഞ്ഞുനിർത്തി ആക്രമിച്ച കേസിലെ പ്രതി പിടിയിൽ. ആലപ്പുഴ തലവടി സ്വദേശി ഹുനൈസിനെ(20)യാണ് പട്ടികജാതി-പട്ടികവർഗ അതിക്രമനിവാരണ നിയമപ്രകാരം ഡിവൈ എസ്.പി ഡി.കെ.പൃഥ്വിരാജിന്റെ നേതൃത്വത്തിലുള്ളസംഘം അറസ്റ്റുചെയ്തത്. പ്രതിയടക്കമുള്ളവർ കഞ്ചാവ് ഉപയോഗിക്കുന്ന വിവരംപൊലീസിനെ അറിയിച്ച വിരോധത്തിലാണ് കഴിഞ്ഞ ജനുവരിയിൽ കലവൂരിൽ വച്ച് പ്രതിയും സംഘവും ദമ്പതി​കളെ ആക്രമിച്ചത്. സംഭവത്തിനു ശേഷം ഇയാൾ ഒളിവിലായിരുന്നു. കോടതിയിൽ ഹാജരാക്കിയ ഹുനൈസിനെ റിമാൻഡ് ചെയ്തു. നോർത്ത് സ്റ്റേഷൻ സി.പി.ഒമാരായ വിഷ്ണു, ബിനുമോൻ, സാഗർ, വികാസ്
ആന്റണി, ശ്യാം എന്നിവരും അന്വേഷണ സംഘത്തിലുണ്ടായിരുന്നു.