ആലപ്പുഴ: കൊവിഡ് രോഗത്തെത്തുടർന്ന് ഗൃഹപരിചരണത്തിൽ കഴിയുന്നവർ അറിയേണ്ട വിവരങ്ങളും ശ്രദ്ധിക്കേണ്ട കാര്യങ്ങളും പൊതുജനങ്ങളിലെത്തിക്കാനുള്ള പ്രചാരണ വീഡിയോ ഇൻഫർമേഷൻ പബ്ലിക് റിലേഷൻസ് വകുപ്പ് പുറത്തിറക്കി . വീഡിയോയുടെ പ്രകാശനം കളക്ട്രേറ്റിൽ ജില്ല കളക്ടർ എ. അലക്‌സാണ്ടർ നിർവഹിച്ചു. ടി.ഡി മെഡിക്കൽ കോളേജ് മെഡിസിൻ വിഭാഗം പ്രൊഫ. ഡോ. ബി.പത്മകുമാർ, ജില്ല ഇൻഫർമേഷൻ ഓഫീസർ എ.അരുൺ കുമാർ എന്നിവർ പങ്കെടുത്തു. 15 മിനിട്ടുള്ള വീഡിയോയി​ൽ നടൻ ഫഹദ് ഫാസിലാണ് ആമുഖ സന്ദേശം നൽകിയിരിക്കുന്നത്. സോഷ്യൽ മീഡിയയിലൂടെയും മാധ്യമങ്ങളിലൂടെയും ജനങ്ങളിലെത്തിക്കും.