മാവേലിക്കര: ലക്ഷദ്വീപിലെ സംഭവങ്ങളിൽ പ്രതിഷേധിച്ച് സംസ്കാര സാഹിതി മാവേലിക്കര നിയോജക മണ്ഡലം കമ്മിറ്റിയുടെ നേതൃത്വത്തിൽ രാഷ്ട്രപതിക്ക് കത്തുകൾ അയച്ചു. സംസ്ഥാനത്തെ നിയോജകമണ്ഡലം തലങ്ങളിൽ നിന്നു രാഷ്ട്രപതിക്ക് പതിനായിരം കത്തുകൾ അയയ്ക്കുന്നതിന്റെ ഭാഗമായാണ് മാവേലിക്കരയിൽ പരിപാടി സംഘടിപ്പിച്ചത്. സംസ്കാര സാഹിതി സംസ്ഥാന ജനറൽ സെക്രട്ടറി അനി വർഗീസ് ഉദ്ഘാടനം ചെയ്തു. നിയോജക മണ്ഡലം ചെയർമാൻ വി.പി.ജയചന്ദ്രൻ അദ്ധ്യക്ഷനായി. ബ്ലോക്ക് കോൺഗ്രസ് പ്രസിഡന്റ് കെ.ഗോപൻ, സംസ്കാര സാഹിതി സംസ്ഥാന നിർവ്വാഹ സമിതി അംഗം അഹമ്മദ് കൊല്ലകടവ്, നിയോജക മണ്ഡലം ജനറൽ കൺവീനർ അനിത വിജയൻ എന്നിവർ പങ്കെടുത്തു.