ചേർത്തല: എസ്.എൻ.ഡി.പി യോഗം നടപ്പിലാക്കുന്ന ഗുരുകാരുണ്യം പദ്ധതിയുടെ ഭാഗമായി കണിച്ചുകുളങ്ങര യൂണിയനിലെ ഞെട്ടയിൽ 572-ാം നമ്പർ ശാഖയുടെ ആഭിമുഖ്യത്തിൽ ഭക്ഷ്യക്കി​റ്റ് വിതരണം നടത്തി. മുന്നൂറോളം വീടുകളിലാണ് കി​റ്റ് വിതരണം ചെയ്തത്. ശാഖ പ്രസിഡന്റ് ഇ.എം. ശ്രീധരൻ കുടുംബയൂണി​റ്റ് കൺവീനർക്ക് കിറ്റ് നൽകി വിതരണോദ്ഘാടനം നിർവഹിച്ചു. വൈസ് പ്രസിഡന്റ് കെ.പ്രസാദ്, സെക്രട്ടറി കെ.എസ്.അമൃതകുമാർ, സിന്ധു സിദ്ധാർത്ഥൻ, ജി.വിജയൻ, എൻ. കെ.പൊന്നപ്പൻ, സി.വി. ലാൽജി, ദാനവൻ, സുരേഷ്, എസ്.മോഹൻദാസ് എന്നിവർ പങ്കെടുത്തു.