കുട്ടനാട്: എസ്.എൻ.ഡി​.പി​ യോഗം മാമ്പുഴക്കരി 442ാം നമ്പർ ശാഖായോഗം സെക്രട്ടറി മാമ്പുഴക്കരി ആതിരനിവാസി​ൽ രാധാകൃഷ്ണന്റെ വീടിന്റെ ജനാലകൾ സമീപവാസി കഴിഞ്ഞദിവസം അർദ്ധരാത്രിയോടെ അടിച്ചുതകർത്തതായി​ പരാതി. സോഡാ കുപ്പി വിടിനകത്തേക്ക് വലിച്ചെറിയുകയും പുറത്തി​രുന്ന ഹെൽമറ്റ് നശി​പ്പി​ക്കുകയും വീട്ടുകാർക്ക് നേരെ ഭീഷണി​ മുഴക്കുകയും ചെയ്തു. സംഭവത്തിൽ അയൽവാസിയായ അട്ടിച്ചിറ രഞ്ചിത്തി​നെതി​രെ (42) രാമങ്കരി പൊലീസ് കേസെടുത്തു. മുൻവൈരാഗ്യമാണ് സംഭവത്തിന് പിന്നിലെന്നു പറയപ്പെടുന്നു. സമീപനാളുകളി​ൽ പ്രദേശത്ത് അഞ്ചു വീടുകൾക്ക് നേരെ ആക്രമണമുണ്ടായി​രുന്നു. ഈ സംഭവങ്ങളി​ൽ പൊലീസ് നടപടി​ എടുക്കാത്തതി​നാലാണ് സംഭവങ്ങൾ ആവർത്തി​ക്കപ്പെടുന്നതെന്ന് നാട്ടുകാർ പറഞ്ഞു.