ചേർത്തല : തകർന്ന നിലയിലുള്ള ഗവ.ഗേൾസ് ഹൈസ്‌കൂൾ ജംഗ്ഷൻ-കുപ്പിക്കവല റോഡ് അടിയന്തരമായി പുനർ നിർമ്മിക്കണമെന്ന ആവശ്യം ഉയരുന്നു. കാലവർഷം ആരംഭിച്ചതോടെ, കുഴി നിറഞ്ഞ റോഡിലൂടെ വാഹനയാത്രക്കാർക്കും കാൽനടയാത്രക്കാർക്കും സഞ്ചരിക്കാൻ കഴിയാത്ത അവസ്ഥയാണ്. 300 മീ​റ്റർ ആണ് റോഡിന്റെ നീളം, 50 ലക്ഷം രൂപ അനുവദിച്ച്‌ ടെണ്ടർ നടപടികൾ പൂർത്തീകരിച്ച റോഡിന്റെ നിർമ്മാണം പൂർത്തീകരിക്കണമെന്ന് ആവശ്യപ്പെട്ട് പൊതുമരാമത്ത് വകുപ്പിന്റെ പി.ഡബ്ലിയു.ഡി. ഫോർ യു ആപ്പിൽ പൊതു പ്രവർത്തകനായ വേളോർവട്ടം ശശികുമാർ പരാതി നൽകി.