അമ്പലപ്പുഴ: തെരുവിൽ ഉറങ്ങുകയായിരുന്ന നാടോടി സംഘത്തിന് നേരെ ആക്രമണം നടത്തിയത് വാർത്തയാക്കിയതിന്റെ പേരിൽ മാദ്ധ്യമ പ്രവർത്തകനു നേരെ പൊലീസിന്റെ ഭീഷണിയെന്ന് പരാതി. മാധ്യമം ദിനപ്പത്രത്തിന്റെ അമ്പലപ്പുഴ ലേഖകൻ അജി​ത്തി​നു നേരെ പുന്നപ്ര സി.ഐ ഭീഷണി മുഴക്കി​യെന്നാണ് പരാതി​. ഇന്നു മനുഷ്യാവകാശ കമ്മീഷൻ, പൊലിസ് കംപ്ലയി​ന്റ് അതോറിട്ടി​, ഡി .ജി.പി. എന്നിവർക്കടക്കം പരാതി നൽകുമെന്ന് അജിത്ത് പറഞ്ഞു.