മാവേലിക്കര: നിർദ്ധന വിദ്യാർത്ഥികൾക്ക് ആശ്വാസമായി കാൻഫെഡ് താലൂക്ക് സമിതി സ്മാർട്ട് ഫോണുകൾ വിതരണം ചെയ്തു. ഓൺലൈൻ പഠനത്തിന് സൗകര്യമില്ലാത്ത വള്ളിക്കാവ് അമൃത ഇൻസ്റ്റിറ്റ്യൂട്ട് ഒഫ് കമ്പ്യൂട്ടർ സയൻസിലെ ആറു നിർദ്ധന വിദ്യാർത്ഥികൾക്കാണ് സ്മാർട്ട്‌ഫോണുകൾ നൽകിയത്. നഗരസഭ ചെയർമാൻ കെ.വി.ശ്രീകുമാർ വിതരണോദ്ഘാടനം നി​ർവഹി​ച്ചു. കാൻഫെഡ് താലൂക്ക് ചെയർമാൻ ജോർജ് തഴക്കര അദ്ധ്യക്ഷനായി. മുനിസിപ്പൽ വൈസ് ചെയർപേഴ്സൺ ലളിതാ രവീന്ദ്രനാഥ്, വികസനകാര്യ സ്ഥിരംസമിതി അദ്ധ്യക്ഷൻ അനി വർഗീസ്, പൂർവ വിദ്യാർത്ഥി രാഹുൽ ചന്ദ്രൻ, കാൻഫെഡ് സംസ്ഥാന ജനറൽ സെക്രട്ടറി ഗോപകുമാർ, ടൗൺകമ്മിറ്റി ചെയർമാൻ പ്രസന്നകുമാർ നായർ, ജില്ലാ ചെയർമാൻ വി.പി ജയചന്ദ്രൻ എന്നിവർ പങ്കെടുത്തു.