ആലപ്പുഴ: കൊവിഡ് പ്രതിരോധത്തിന്റെ ഭാഗമായി ജില്ലാ പഞ്ചായത്ത് തൃക്കുന്നപ്പുഴ ഗ്രാമപഞ്ചായത്തിലെ ആശാ പ്രവർത്തകർക്ക് കൊവിഡ് സുരക്ഷാ ഉപകരണങ്ങൾ കൈമാറി. ഉപകരണങ്ങളുടെ വിതരണോദ്ഘാടനം ജില്ലാ പഞ്ചായത്ത് ക്ഷേമകാര്യ സ്റ്റാൻിംഗ് കമ്മിറ്റി ചെയർമാൻ അഡ്വ. ടി.എസ്. താഹ നിർവഹിച്ചു. 23 ആശാ പ്രവർത്തകർക്ക് മാസ്‌ക്, സാനിറ്റൈസർ തുടങ്ങിയ സുരക്ഷാ ഉപകരണങ്ങളാണ് നൽകിയത്. ഗ്രാമപഞ്ചായത്ത് പ്രസിഡന്റ് എസ്.വിനോദ്കുമാർ അദ്ധ്യക്ഷത വഹിച്ചു. വൈസ് പ്രസിഡന്റ് റജില , ആരോഗ്യ വിദ്യാഭ്യാസ സ്റ്റാൻിംഗ് ചെയർമാൻ സിയാർ തൃക്കുന്നപ്പുഴ, ക്ഷേമകാര്യ സ്റ്റാൻിംഗ് കമ്മിറ്റി ചെയർപേഴ്‌സൻ ബി.അമ്മിണി , ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു.