ആലപ്പുഴ: പ്രതിവാര കൊവിഡ് പരിശോധന നിരക്കിന്റെ (ടി.പി.ആർ) അടിസ്ഥാനത്തിൽ ജില്ലയിലെ തദ്ദേശ സ്വയംഭരണ സ്ഥാപനങ്ങളെ വേർതിരിച്ച് ജൂലായ് ഏഴു വരെ ഇളവുകളും നിയന്ത്രണങ്ങളും ഏർപ്പെടുത്തി കളക്ടർ എ.അലക്സാണ്ടർ ഉത്തരവിറക്കി. ഇന്നലെ വരെയുള്ള പ്രതിവാര നിരക്കിനെ അടിസ്ഥാനമാക്കിയാണ് ഇന്നു മുതൽ നിയന്ത്രണങ്ങളും ഇളവുകളും ഏർപ്പെടുത്തിയിട്ടുള്ളത്.

ടി.പി.ആർ 6 ശതമാനത്തിൽ താഴെ എ വിഭാഗത്തിലും 6 മുതൽ 12 ശതമാനം വരെ ബി വിഭാഗത്തിലും 12നും 18നും ഇടയിൽ അതിവ്യാപനമുള്ള സ്ഥലങ്ങളെ സി വിഭാഗത്തിലും 18 ശതമാനത്തിനു മുകളിലുള്ള അതിതീവ്ര വ്യാപനമുള്ള സ്ഥലങ്ങളെ ഡി വിഭാഗത്തിലുമാണ് ഉൾക്കൊള്ളിച്ചിരിക്കുന്നത്. ഡി വിഭാഗത്തിൽ രണ്ടു പഞ്ചായത്തുകളും സി വിഭാഗത്തിൽ രണ്ടു നഗരസഭകളടക്കം 13 തദ്ദേശസ്ഥാപനങ്ങളുമുണ്ട്. ബി വിഭാഗത്തിൽ നാലു നഗരസഭകളടക്കം 51 എണ്ണം. എ വിഭാഗത്തിൽ 12 പഞ്ചായത്തുകൾ ഉൾപ്പെടുന്നു.

ജില്ലയിൽ ഏറ്റവും കുറഞ്ഞ നിരക്ക് തകഴി പഞ്ചായത്തിലാണ്, 2.03 ശതമാനം. 18.92 ശതമാനമുള്ള കുത്തിയതോട് പഞ്ചായത്തിലാണ് ഏറ്റവും ഉയർന്ന ടി.പി.ആറുള്ളത്. നേരത്തെയുള്ള നിയന്ത്രണങ്ങളും ഇളവുകളും അതത് വിഭാഗത്തിൽപ്പെടുന്ന സ്ഥലങ്ങളിൽ ബാധകമാണ്. ബി വിഭാഗത്തിൽ വരുന്ന സ്ഥലങ്ങളിൽ ഡ്രൈവർ ഉൾപ്പെടെ രണ്ടു യാത്രക്കാർക്ക് ഓട്ടോറിക്ഷ യാത്ര അനുവദിച്ചിട്ടുണ്ട്. മൂന്ന്, നാല് തീയതികളിൽ പൂർണ ലോക്ക്ഡൗണായിരിക്കും. അനുവദനീയമായ പ്രവർത്തനങ്ങൾ മാത്രമേ ഈ ദിവസങ്ങളിൽ അനുവദിക്കൂ.

 ഡി വിഭാഗം: പെരുമ്പളം (ടി.പി.ആർ-18.12 ശതമാനം), കുത്തിയതോട് (18.92)

 സി വിഭാഗം (ടി.പി.ആർ 12-18)- നഗരസഭകൾ: കായംകുളം (12.38), ചേർത്തല (14.78)

പഞ്ചായത്തുകൾ: പാണാവള്ളി (12.24), കടക്കരപ്പള്ളി (12.41), ദേവികുളങ്ങര (12.92), ആര്യാട് (13.10), ചിങ്ങോലി (13.17), വള്ളികുന്നം (13.35), ചേർത്തല തെക്ക് (13.60), ചുനക്കര (13.70), പുറക്കാട് (14.70), ചെട്ടികുളങ്ങര (15), കാർത്തികപ്പള്ളി (16.26)

 ബി വിഭാഗം (ടി.പി.ആർ 6-12)- നഗരസഭകൾ: ചെങ്ങന്നൂർ (7.19), മാവേലിക്കര (7.30), ഹരിപ്പാട് (10.33), ആലപ്പുഴ (10.91)

പഞ്ചായത്തുകൾ: പള്ളിപ്പാട് (6.06), കൈനകരി (6.14), പത്തിയൂർ (6.54), അമ്പലപ്പുഴ തെക്ക് (6.75), എടത്വ (6.79), കൃഷ്ണപുരം (6.88), ചമ്പക്കുളം (6.91), അമ്പലപ്പുഴ വടക്ക് (7.15), കുമാരപുരം (7.26), കോടംതുരുത്ത് (7.31), ആല (7.47), ചേപ്പാട് (7.49), മാവേലിക്കര-താമരക്കുളം (7.68), നൂറനാട് (7.72), വയലാർ (7.72), കാവാലം (8.02), മുഹമ്മ (8.08), പാണ്ടനാട് (8.11), എഴുപുന്ന (8.15), പുന്നപ്ര തെക്ക് (8.21), കരുവാറ്റ (8.29), തൃക്കുന്നപ്പുഴ (8.49), അരൂക്കുറ്റി (8.77), പുളിങ്കുന്ന് (8.79), കണ്ടല്ലൂർ (8.97), തണ്ണീർമുക്കം (9.11), മാരാരിക്കുളം വടക്ക് (9.15), മാരാരിക്കുളം തെക്ക് (9.25), പുന്നപ്ര വടക്ക് (9.77), അരൂർ (9.80), രാമങ്കരി (9.83), ബുധനൂർ (9.90), തിരുവൻവണ്ടൂർ (9.90), മാന്നാർ (9.98), ആറാട്ടുപുഴ (10.01), പുലിയൂർ (10.16), മാവേലിക്കര തെക്കേക്കര (10.20), പട്ടണക്കാട് (10.33), ചെന്നിത്തല തൃപ്പെരുന്തുറ (10.48), മുളക്കുഴ (10.64), മണ്ണഞ്ചേരി (10.90), വീയപുരം (11.03), മുതുകുളം (11.20), ഭരണിക്കാവ് (11.35), തഴക്കര (11.44), തുറവൂർ (11.58), കഞ്ഞിക്കുഴി (11.95)

 എ വിഭാഗം: തകഴി (2.03), മുട്ടാർ (2.08), ചെറുതന (3.25), തൈക്കാട്ടുശേരി (3.86), തലവടി (3.90), ചേന്നംപള്ളിപ്പുറം (4.14), നീലംപേരൂർ (4.77), പാലമേൽ (5.32), വെളിയനാട് (5.34), നെടുമുടി (5.36), ചെറിയനാട് (5.41), വെൺമണി (5.96)