ന്യൂഡൽഹി : കേന്ദ്രീയ വിദ്യാലയങ്ങളിലെ ഒന്നാംക്ലാസ് പ്രവേശനത്തിന് അർഹത നേടിയ കുട്ടികളുടെ പട്ടിക 23 ന് പ്രസിദ്ധീകരിക്കുമെന്ന് കേന്ദ്രീയ വിദ്യാലയ സങ്കേതൻ (കെ.വി.എസ്) അറിയിച്ചു. ആദ്യ പട്ടിക പ്രസിദ്ധീകരിച്ച ശേഷവും സീറ്റൊഴിവുണ്ടെങ്കിൽ 30ന് രണ്ടാം പട്ടിക പ്രസിദ്ധീകരിക്കും.

ശേഷവും സീറ്റുകൾ ഒഴിഞ്ഞു കിടക്കുകയാണങ്കിൽ അടുത്തമാസം അഞ്ചിന് മൂന്നാം പട്ടിക പ്രസിദ്ധീകരിക്കും. രണ്ടാം ക്ലാസ്സ് മുതലുള്ള വിദ്യാർഥികളുടെ പ്രവേശനത്തിനായുള്ള പട്ടിക 24 ന് പ്രസിദ്ധീകരിക്കും. ഈ പട്ടികയുടെ അടിസ്ഥാനത്തിൽ 25 മുതൽ 30 വരെ പ്രവേശന നടപടികളാരംഭിക്കാം.

ഒന്നാം ക്ലാസ് വിദ്യാർത്ഥികൾക്ക് ഓൺലൈനായും മറ്റ് ക്ലസ്സുകാർക്ക് ഓഫ്‌ളൈനായും പ്രവേശനം നേടാം. മൊബൈൽ നമ്പർ, ഇമെയിൽ ഐ.ഡി, ഫോട്ടോ, ജനന സർട്ടിഫിക്കറ്റ് തുടങ്ങിയവ പ്രവേശനത്തിനായി കരുതണം. വിവശദവിവരങ്ങൾക്ക് - kvsangathan.nic.in