കോലഞ്ചേരി: ഓൺലൈൻ സ്കൂൾ വർഷം ആരംഭിച്ചതോടെ കടയിരുപ്പിലെ വിദ്യാർത്ഥികളുടെ പ്രാഥമിക വിദ്യാഭ്യാസം ത്രിശങ്കുവിലായതായി പരാതി. ഐക്കരനാട് പഞ്ചായത്ത്തല ഡി.സി.സിയാണ് കടയിരുപ്പ് എൽ.പി സ്കൂളിൽ തുടരുന്നത്. സമീപത്ത് കോലഞ്ചേരി കിടാച്ചിറയിൽ വടവുകോട് ബ്ളോക്ക് പഞ്ചായത്തും എം.എൽ.എയുടെ കൊവിഡ് ഹെൽപ്പ്ഡെസ്ക്കും സംയുക്തമായി നൂറ് കിടക്കകളുള്ള അത്യാധുനിക സൗകര്യങ്ങളോട‌െയുള്ള ഡി.സി.സി പ്രവർത്തിക്കുമ്പോഴാണ് വിദ്യാർത്ഥികളുടെ ഭാവി ആശങ്കയിലാക്കി സർക്കാർ സ്കൂളിൽ ഡി.സി.സി തുടരുന്നത്. അദ്ധ്യയനവർഷാരംഭത്തിന് മുമ്പ് ചെയ്യേണ്ട പാഠപുസ്തക വിതരണവും ഇപ്പോൾ കുട്ടികൾക്ക് നൽകുന്ന ഭക്ഷണക്കി​റ്റ് വിതരണമടക്കം അവതാളത്തിലായതായും പരാതിയുണ്ട്.

സ്കൂളിലെ ഡി.സി.സി തുടങ്ങിയ ഹാളിനോട് ചേർന്ന് അറ്റാച്ച്ഡ് ടോയ്ലെറ്റുകൾ ഇല്ലാത്തതും ഇവിടെയെത്തുന്ന രോഗികൾക്ക് ബുദ്ധിമുട്ടുണ്ടാക്കുന്നുണ്ട്. ഹാളിൽ നിന്നും മുറ്രം വഴി നടന്നുവേണം ടോയിലറ്റിലെത്താൻ. സ്കൂളിൽ വേണ്ടത്ര സുരക്ഷാ സംവിധാനങ്ങൾ ഇല്ലെന്നുള്ളതും പ്രശ്‌നമാണ്. കഴിഞ്ഞ വെള്ളിയാഴ്ച അവിടെ കഴിയുന്ന കൊവിഡ് ബാധിതൻ സ്‌കൂളിന് സമീപത്തെ കടയിൽ ചെല്ലുന്ന സ്ഥിതിവരെയുണ്ടായി. ഇതറിഞ്ഞതോടെ സമീപവാസികളും ഭീതിയിലാണ്. കൊവിഡ് വഴി സംജാതമായ പരിമിതികൾ മറികടക്കാൻ പുതിയ അദ്ധ്യയന വർഷത്തിൽ വിക്ടേഴ്‌സ് ചാനൽ പോലുള്ള പഠന സഹായ ചാനലുകൾ മാത്രം ആശ്രയിക്കാതെ സാങ്കേതികവിദ്യാ സാദ്ധ്യതകളെ പരമാവധി പ്രയോജനപ്പെടുത്തി സ്‌കൂളിൽ നിന്നു തന്നെ ഓൺലൈൻ ക്ലാസുകൾ ആരംഭിക്കുവാൻ സർക്കാർ തീരുമാനിച്ചിരിക്കുന്ന ഘട്ടത്തിലാണ് സ്‌കൂളിൽ ഇതിനുള്ള സാഹചര്യം ഇല്ലാതാക്കിയിരിക്കുന്നതെന്നാണ് സി.പി.എം ആരോപണം. അതേ സമയം സർക്കാർ നിർദ്ദേശമനുസരിച്ചാണ് സ്കൂളിൽ ഡി.സി.സി തുടങ്ങിയതെന്ന് പ്രസിഡന്റ് ഡീന ദീപക്ക് പറഞ്ഞു.

സ്കൂളിൽ നിന്നും ഡി.സി.സി മാറ്റണം

പ​ഞ്ചാ​യ​ത്തി​ന്റെ​ ​ക​ട​യി​രു​പ്പ് ​ജം​ഗ്ഷ​നി​ലു​ള്ള​ ​ക​മ്മ്യൂ​ണി​റ്റി​ ​ഹാ​ളി​ലാ​ണ് ​സ്കൂ​ൾ​ ​പ്ര​വ​ർ​ത്ത​ന​ങ്ങ​ൾ​ ​ഏ​കോ​പി​പ്പി​ക്കു​ന്ന​ത്.​ ​സ്കൂ​ളി​ൽ​ ​നി​ന്നും​ ​ഡി.​സി.​സി​ ​നീ​ക്കി​ ​കു​ട്ടി​ക​ളു​ടെ​ ​ഭാ​വി​ ​സു​ര​ക്ഷി​ത​മാ​ക്ക​ണ​മെ​ന്ന് ​സി.​പി.​എം​ ​ ഐക്കരനാട് ലോ​ക്ക​ൽ​ക​മ്മി​റ്റി​ ​ആ​വ​ശ്യ​പ്പെ​ട്ടു.​ ​കൊ​വി​ഡി​ന്റെ​ ​ര​ണ്ടാം​ ​ത​രം​ഗ​ത്തി​ൽ​ ​പ​ഞ്ചാ​യ​ത്തി​ൽ​ ​മ​ര​ണ​നി​ര​ക്കും​ ​രോ​ഗി​ക​ളു​ടെ​ ​എ​ണ്ണ​വും​ ​വ​ർ​ദ്ധി​ച്ച​തോ​ടെ​യാ​ണ് ​താ​ത്കാ​ലി​ക​ ​സൗ​ക​ര്യ​ങ്ങ​ളൊ​രു​ക്കി​ ​സ്കൂ​ളി​ൽ​ ​ഡി.​സി.​സി​ ​തു​ട​ങ്ങി​യ​ത്.​ ​ക​ഴി​ഞ്ഞ​ ​ഭ​ര​ണ​സ​മി​തി​യു​ടെ​ ​കാ​ല​ത്ത് ​സി.​എ​ഫ്.​എ​ൽ.​ടി.​സി​യാ​യി​ ​പ്ര​വ​ർ​ത്തി​ച്ച​ ​കി​ടാ​ച്ചി​റ​ ​ഹി​ൽ​ടോ​പ്പി​ലോ​ ​ക​ട​യി​രു​പ്പ്,​ക​ട​മ​​​റ്റം​ ​ക​മ്മ്യൂ​ണി​​​റ്റി​ ​ഹാ​ളി​ലോ,​ ​എ​ഴി​പ്ര​ത്തെ​ ​പ​ക​ൽ​ ​വീ​ട്ടി​ലോ​ ​ഡി.​സി.​സി​ ​ആ​രം​ഭി​ക്ക​ണ​മെ​ന്ന​ ​നി​ർ​ദ്ദേ​ശം​ ​മ​റി​ക​ട​ന്നാ​ണ് ​സ്കൂ​ളി​ൽ​ ​തു​ട​ങ്ങി​യ​തെ​ന്നും​ ​സി.​പി.​എം​ ​കു​റ്റ​പെ​ടു​ത്തു​ന്നു.

ഓൺലൈൻ അദ്ധ്യായനം മുടങ്ങില്ല

മുൻ വർഷവും ഇതേ സ്കൂളിൽ കൊവിഡ് പരിശോധന കേന്ദ്രം പ്രവർത്തിച്ചിരുന്നതാണ്. ഓൺലൈൻ അദ്ധ്യായനം മുടങ്ങാതിരിക്കാനുള്ള നടപടികൾ പഞ്ചയത്ത് എടുത്തിട്ടുണ്ട്. കഴിഞ്ഞ അദ്ധ്യായന വർഷവും എൽ.പി. സ്കൂളായതിനാൽ അദ്ധ്യാപകർക്ക് സ്കൂളിലെത്തേണ്ടി വന്നില്ല. ഈ വർഷവും സമാന സാഹചര്യത്തിൽ വിദ്യാർത്ഥികൾ ആശങ്കപ്പെടേണ്ടതില്ല.

ഡീന ദീപക്ക്, പ്രസിഡന്റ്