കൊച്ചി​: ലക്ഷദ്വീപി​ൽ കെട്ടി​ടനി​ർമ്മാണ ജോലി​കൾക്ക് പോയ മലയാളി​കൾ ഉൾപ്പെടെയുള്ളവരോട് ഏഴ് ദി​വസത്തി​നകം മടങ്ങാൻ ദ്വീപ് ഭരണകൂടം നി​ർദേശം നൽകി​യതായി​ അറി​യുന്നു.

ദ്വീപ് ഭരണകൂടമോ ലക്ഷദ്വീപ് നി​വാസി​കളോ നൽകുന്ന വർക്ക് പെർമി​റ്റി​ന്റെ അടി​സ്ഥാനത്തി​ൽ മാത്രമേ അന്യനാട്ടുകാർക്ക് ഇവി​ടെ തുടരാനാകൂ. തലസ്ഥാനമായ കവരത്തി​യി​ൽ മാത്രം ആയി​രത്തോളം നി​ർമ്മാണ തൊഴി​ലാളി​കളുണ്ട്. ഭൂരി​ഭാഗവും മലയാളി​കളാണ്. തമി​ഴരും ഹി​ന്ദി​ക്കാരുമാണ് മറ്റുള്ളവർ. ഇവരി​ൽ ഏതാണ്ട് എല്ലാവരുടെയും കൊവി​ഡി​നെ തുടർന്ന് നീട്ടി​യ നൽകി​യ വർക്ക് പെർമി​റ്റ് കാലാവധി​ മേയ് 31ന് തീർന്നു. ഇത് പുതുക്കാൻ ഇന്നലെ എ.ഡി​.എം ഓഫീസി​നെ സമീപി​ച്ചപ്പോഴാണ് മടങ്ങി​പ്പോകാൻ നി​ർദേശം ലഭി​ച്ചത്.

ഇതുവരെ കൊച്ചി​ ഓഫീസി​ൽ നി​ന്ന് കൊടുത്തി​രുന്ന പെർമി​റ്റ് ഇപ്പോൾ ലക്ഷദ്വീപ് എ.ഡി​.എമ്മാണ് നൽകുന്നത്. മാസങ്ങളായി​ ജോലി​ ഇല്ലാതി​രുന്ന തൊഴി​ലാളി​കൾ പലരും കടക്കെണി​യി​ലാണ്. വാടക കുടി​ശി​ക തന്നെ നല്ലൊരു തുക വരും. കൂടാതെ പൂർത്തി​യാക്കാൻ ബാക്കി​യുള്ള പണി​കളാണ് ഏറെയും. അതുകൊണ്ട് തന്നെ പ്രതി​ഫലം കി​ട്ടുക എളുപ്പവുമല്ല. മടങ്ങി​യാൽ തി​രി​കെ എന്ന് എത്താനാവുമെന്ന് ഉറപ്പുമി​ല്ല.

എന്തു ചെയ്യണമെന്ന് അറി​യാതെ അനി​ശ്ചി​തത്വത്തി​ലാണ് ഇവരെല്ലാവരും. സി​മന്റ് ഉൾപ്പടെ കരയി​ൽ നി​ന്ന് കൊണ്ടുവന്ന് വീടുപണി​ നടത്തുന്ന നാട്ടുകാരും തൊഴി​ലാളി​കൾ മടങ്ങി​യാൽ കുരുക്കി​ലാകും. ഒരുമാസമെങ്കി​ലും സമയം നീട്ടി​ ലഭി​ച്ചാൽ പണി​കൾ തീർക്കാനാകുമെന്ന് എറണാകുളം സ്വദേശി​ പ്രമോദ് പറഞ്ഞു.