പെരുമ്പാവൂർ: പെരുമ്പാവൂർ നഗരസഭ ഏട്ടാം വാർഡിൽ മഴക്കാല പൂർവ ശുചീകരണ പ്രവർത്തനങ്ങൾക്ക് തുടക്കം കുറിച്ചു. ഫെന്റെസ് ക്ലബ്ബിന്റെ സഹകരണത്തോടെയാണ് ശുചീകരണ പ്രവർത്തനങ്ങൾ നടത്തിയത്. വാർഡ് കൗൺസിലർ പോൾ പാത്തിക്കൽ അദ്ധ്യക്ഷത വഹിച്ചു. നഗരസഭ ആരോഗ്യ സ്റ്റാൻഡിംഗ് കമ്മിറ്റി ചെയർമാൻ സി.കെ രാമകൃഷ്ണൻ ഉദ്ഘാടനം ചെയ്തു.വരുംദിവസങ്ങളിൽ ഫോഗിംഗ്, കിണറുകളിൽ ക്ലോറിനേഷൻ എന്നിവ നടത്തും. അരുൺ ദേവ് ഡി, ഗംഗാധരൻ തുടങ്ങിയവർ നേതൃത്വം നൽകി.