കൊച്ചി: പൊതുജനങ്ങൾക്ക് പൊതുമരാമത്ത് വകുപ്പിന്റെ റോഡുകളെപ്പറ്റി പരാതി അറിയിക്കുന്നതിനുള്ള മൊബൈൽ ആപ്പ് പി.ഡബ്ല്യു.ഡി ഫോർ യു പ്രമോ വീഡിയോ മമ്മൂട്ടി പ്രകാശനം ചെയ്തു. പൊതുമരാമത്ത് മന്ത്രി
പി.എ. മുഹമ്മദ് റിയാസിന്റെ സാന്നിദ്ധ്യത്തിൽ മമ്മൂട്ടിയുടെ വീട്ടിൽ വച്ചായിരുന്നു പ്രകാശനം. മൊബൈൽ ആപ്ലിക്കേഷൻ ഏഴാംതീയതി ഔദ്യോഗികമായി നിലവിൽ വരും. റോഡുകളുടെ ഡിജിറ്റലൈസേഷൻ ആറുമാസത്തിനകം പൂർത്തിയാകും.

ആപ്പിന്റെ വിശേഷങ്ങൾ

 റോഡിലെ പ്രശ്നങ്ങളും പരാതികളും ഫോട്ടോയെടുത്ത് അപ് ലോഡ് ചെയ്യാം. വിവരങ്ങൾ രേഖപ്പെടുത്താം.

 4000 കിലോമീറ്റർ റോഡുകളുടെ ഡിജിറ്റലൈസേഷൻ ആപ്പിൽ.
 പരാതികൾ അപ്പോൾത്തന്നെ ബന്ധപ്പെട്ട ഉദ്യോഗസ്ഥർക്ക് അയച്ചുകൊടുക്കും.
 പരാതികൾ സമയബന്ധിതമായി പരിഹരിക്കാനുള്ള നടപടികളുമുണ്ടാകും.