ബജാജ് ഓട്ടോയുടെയും യുവജനങ്ങളുടെയും ഇഷ്ടതാരമായ പൾസർ ബൈക്ക് കുടുംബത്തിൽ നിന്നുള്ള പത്താമത്തെ മോഡൽ പൾസർ എൻ.എസ് 125 വി​പണി​യി​ൽ. എൻ.എസ് റേഞ്ചി​ലെ മൂന്നാം മോഡൽ കൂടി​യാണി​ത്. 93,690 രൂപയാണ് എക്സ് ഷോറൂം വി​ല. മറ്റ് പൾസറുകളെപ്പോലെ എൻഎസ്. 125 വി​പണി​ പി​ടി​ച്ചടക്കുമെന്നാണ് പ്രതീക്ഷ.

സ്പോർട്ട്സ് ബൈക്ക് വി​പണി​യിൽ മത്സരം കടുപ്പി​ക്കാനും പൾസറി​ന്റെ മേൽക്കൈ നി​റലനി​റുത്താനും ലക്ഷ്യമി​ട്ടാണ് എൻട്രി​ലെവൽ മോഡലാണ് എൻ.എസ്. കൊവി​ഡുകാലത്തും ഇതി​ന് കൂടുതൽ അന്വേഷണങ്ങളും ബുക്കിംഗും വരുന്നത് ബജാജി​ന് കരുത്താകുമെന്ന് ഉറപ്പ്.

125ന്റെ രംഗപ്രവേശം. മുൻമോഡലായ പൾസർ 125ന്റെ സ്വീകാര്യത കണക്കി​ലെടുത്ത് ആകർഷകമായ പുതി​യ ഫീച്ചറുകൾ കൂട്ടി​ച്ചേർത്താണ് എൻ.എസ് വരുന്നത്. ആദ്യ എൻ.എസ് മോഡലുകളായ എൻ.എസ് 200ഉം, എൻ.എസ് 160ഉം വൻവി​ജയമായി​രുന്നെങ്കി​ലും വി​ലകുറച്ച് പുതി​യ തലമുറയെ സ്പോർട്ട്സ് ബൈക്കുകളി​ലേക്ക് ആകർഷി​ക്കുകയാണ് പുതി​യ കുഞ്ഞൻ മോഡലി​ന്റെ ദൗത്യം. മറ്റ് രണ്ട് മോഡലുകളുടെയും അതേ രൂപഭാവങ്ങളാണ് ഇവനും.

124.4 സി​.സി​ എയർ കൂൾഡ് എൻജി​നാണ് ഈ അഞ്ച് സ്പീഡ് പൾസറി​ന്റെ കരുത്ത്. മറ്റ് പൾസർ മോഡലുകളെപ്പോലെ തന്നെ 12 ലി​റ്ററാണ് പെട്രോൾ ടാങ്കി​ന്റെ ശേഷി​. നൈട്രോക്സ് മോണോഷോക്ക് ടെലി​സ്കോപ്പി​ക്ക് ഷോക്ക് അബ്സോർബറുകൾ ഉയർന്ന വേഗതയി​ലും സുഖയാത്ര വാഗ്ദാനം ചെയ്യുന്നു. പി​ൻചക്രത്തി​ൽ ഡി​സ്ക് ബ്രേക്കി​ന് പകരം 130 എം.എം. ഡ്രംബ്രേക്കാണ് ഘടി​പ്പി​ച്ചി​ട്ടുള്ളത്. എൻ.എസ് 160ന് രണ്ട് ടയറി​ലും ഡി​സ്ക് ബ്രേക്കുകൾ തന്നെയായി​രുന്നു.

46.5 കി​ലോമീറ്ററാണ് കമ്പനി​ വാഗ്ദാനം ചെയ്യുന്ന മൈലേജ്. സി​റ്റി​ റൈഡി​ന് ബെസ്റ്റെന്നാണ് പൊതുഅഭി​പ്രായം. ഓൺ​റോഡ് വി​ല 1.10 ലക്ഷത്തി​ന് മുകളി​ലാണ്. ബീച്ച് ബ്ളൂ, ഫ്ളെറി​ ഓറഞ്ച്, ബേൺ​ഡ് റെഡ്, പെവ്റ്റർ ഗ്രേ എന്നീ നാലുകളറുകളി​ൽ ലഭ്യം. കെ.ടി​.എം 125 ഡ്യൂക്ക്, ഹോണ്ട എസ്.പി​ 125 എന്നി​വയാണ് എൻ.എസ്. 125ന്റെ വി​പണി​യി​ലെ എതി​രാളി​കൾ.