കോലഞ്ചേരി: യാക്കോബായ സഭയുടെ അഖില മലങ്കര സുവിശേഷ മഹായോഗം ട്രഷററും കുന്നംകുളം മരത്തംകോട് കോലാടി പരേതരായ കാക്കു-കുഞ്ഞമ്മ ദമ്പതികളുടെ മകളുമായ കെ.കെ. മേരിക്കുട്ടി (88) നിര്യാതയായി. സംസ്‌കാരം ഇന്ന് രാവിലെ 9 ​ന് പുത്തൻകുരിശ് സെന്റ് പീറ്റേഴ്‌സ് ആൻഡ് സെന്റ് പോൾസ് യാക്കോബായ പ​ള്ളി സെ​മി​ത്തേരിയിൽ. അങ്കമാലി ഭദ്രാസന മർത്തമറിയം വനിത സമാജം ട്രഷറർ, കണ്ടനാട് ഭദ്രാസന സമാജം ട്രഷറർ, സെക്രട്ടറി, ബിബ്ലിക്കൽ ലിറ്റർജിക്കൽ അക്കാദമി ജോയിന്റ് ഡയറക്ടർ, സെന്റ് മേരീസ് കോൺവെന്റ് സീനിയർ അംഗം, സെന്റ് മേരീസ് ചാരിറ്റബിൾ ട്രസ്റ്റ് ചെയർപേഴ്‌സൺ, തൃശൂർ വർക്കിംഗ് വിമൻസ് ഹോസ്റ്റൽ സ്ഥാപക സെക്രട്ടറി എന്നീ നിലകളിൽ പ്രവർത്തിച്ചു. റിട്ടയേർഡ് പി.ഡബ്ലു.ഡി അസിസ്റ്റന്റ് എൻ​ജിനീയറുമാണ്. 2006​ൽ പരിശുദ്ധ പാത്രിയാർക്കീസ് ഇഗ്‌നാത്തിയോസ് സഖാ പ്രഥമൻ ബാവയിൽ നിന്നും സെന്റ് അപ്രേം മെഡൽ ലഭിച്ചിട്ടുണ്ട്.