കൊച്ചി​: അരൂർ-ഇടപ്പള്ളി ദേശീയ പാത ബൈപ്പാസി​ൽ കാറുകളുടെ മത്സരയോട്ടത്തി​നി​ടെയുണ്ടായ അപകടത്തി​ൽ ബൈക്ക് യാത്രികൻ മരി​ച്ചു. തൈക്കൂടം ഒ.എ. റോഡ് ചെമ്പകശേരി ജിമ്മി ചെറിയാനാണ് (62) മരിച്ചത്. മലയാള മനോരമ സർക്കുലേഷൻ വിഭാഗം മുൻ സീനിയർ എക്സിക്യൂട്ടിവാണ് ജിമ്മി ചെറിയാൻ.

ഇന്നലെ ഉച്ചയ്ക്ക് 12.50ന് തൈക്കൂടം ഡെക്കാത്‌ലൺ​ യൂ ടേണിനു സമീപം അമിത വേഗത്തിലെത്തിയ കാറുകളി​ലൊന്ന് ബൈക്കിലിടിച്ചായിരുന്നു അപകടം.

ലോക്ഡൗണിൽ തി​രക്കൊഴി​ഞ്ഞ റോഡി​ൽ വൈറ്റില ഭാഗത്തു നിന്ന് മത്സരയോട്ടം നടത്തി വരികയായിരുന്നു കാറുകൾ. ചരക്ക് ലോറിയുടെ ഇരു ഭാഗത്തു കൂടി ഇരു കാറുകളും ഓവർടേക്ക് ചെയ്തു പാഞ്ഞപ്പോഴാണ് മുന്നിൽ പോയ ബൈക്കിൽ തട്ടിയത്. ജി​മ്മി​യെ പാലാരി​വട്ടം മെഡിക്കൽ സെന്റർ ആശുപത്രി​യി​ലെത്തി​ച്ചെങ്കി​ലും അപ്പോഴേക്കും മരി​ച്ചു.

കൊല്ലം സ്വദേശി ഉമ്മൻ കെ.ജോൺ, പള്ളുരുത്തി സ്വദേശി ശ്യാം എന്നിവരാണ് കാറുകൾ ഓടിച്ചിരുന്നത്. ഉമ്മൻ കെ.ജോണിന്റെ കാറാണ് ബൈക്കിൽ ഇടിച്ചത്. നിയന്ത്രണം വിട്ട് മറ്റൊരു കാറിലും തട്ടി. പെട്ടെന്നു ബ്രേക്കിട്ട ശ്യാമിന്റെ കാറിനു പിന്നിൽ മറ്റൊരു കാർ തട്ടി. ഓടിക്കൂടിയവർ യുവാക്കളെ തടഞ്ഞു വച്ചു. പൊലീസ് എത്തി ഇവരെ സ്റ്റേഷനിലേക്കു മാറ്റി. രണ്ടു കാറുകളി​ലും പെൺ​കുട്ടി​കളടക്കം ഉണ്ടായി​രുന്നതായി​ ദൃക്സാക്ഷി​കൾ പറഞ്ഞു.

ഉമ്മൻ കെ. ജോണിനെതിരെ മനഃപൂർവമല്ലാത്ത നരഹത്യയ്ക്കു കേസെടുത്തി​ട്ടുണ്ട്. സി.സി.ടി.വി ദൃശ്യങ്ങൾ പൊലീസ് ശേഖരിക്കുന്നുണ്ട്.

തൈക്കൂടം മണ്ഡപത്തിൽ കുടുംബാംഗം ഷേർളിയാണ് ജിമ്മി ചെറിയാന്റെ ഭാര്യ. മക്കൾ: അനിത മരിയ ജിമ്മി (ബാങ്ക് ഒഫ് ഇന്ത്യ, മാറമ്പിള്ളി ശാഖ), അമല മരിയ ജിമ്മി (ഇസാഫ്, ആലുവ). മരുമക്കൾ: അമൽ (എസ്.ബി.ഐ, തൊടുപുഴ), സോജൻ (ബിസിനസ്). സംസ്കാരം വ്യാഴാഴ്ച ഉച്ചയ്ക്ക് 12ന് ചമ്പക്കര സെന്റ് ജെയിംസ് പള്ളി സെമിത്തേരിയിൽ.