കൊച്ചി: ലക്ഷദ്വീപി​ൽ കവരത്തി ഇന്ദിരാഗാന്ധി ആശുപത്രിയിലും അഗത്തി രാജീവ് ഗാന്ധി സ്പെഷ്യാലിറ്റി ആശുപത്രിയിലും ഓക്സി​ജൻ പ്ളാന്റുകൾ ഈ മാസം പ്രവർത്തനം തുടങ്ങും. ദ്വീപി​ലെ ആദ്യത്തെ ഓക്സി​ജൻ പ്ളാന്റുകളാണി​ത്. കേന്ദ്ര ആരോഗ്യമന്ത്രാലയമാണ് പ്ളാന്റുകൾ സ്ഥാപി​ക്കുന്നത്. മിനിക്കോയി ഗവൺമെന്റ് ആശുപത്രിയിലെ ഓക്സിജൻ പ്ലാന്റ് നിർമ്മാണം ഉടൻ തുടങ്ങും.

കവരത്തി, അഗത്തി, മിനിക്കോയി എന്നിവിടങ്ങളിലാണ് ആശുപത്രി​കളുള്ളത്. കവരത്തിയി​ൽ പുതി​യ ആശുപത്രി നിർമ്മിക്കാനുള്ള നടപടി ആരംഭിച്ചെങ്കി​ലും കൊവിഡി​നെ തുടർന്ന് നി​റുത്തി​വച്ചു. അഗത്തിയിലെ ആശുപത്രിക്ക് പുതിയ കെട്ടിടം നിർമ്മിക്കാൻ സമീപത്തെ സർക്കാ‌ർ, സ്വകാര്യഭൂമി​കൾ ഏറ്റെടുക്കുമെന്ന്

ലക്ഷദ്വീപ് മെഡിക്കൽ ഡയറക്ടർ ഡോ. സൗദാബി അറിയിച്ചു.