കൊച്ചി: മദ്ധ്യമേഖല തപാൽ അദാലത്ത് 28ന് രാവിലെ 11ന് കടവന്ത്ര ഗാന്ധിനഗർ മാവേലി റോഡിലുള്ള പോസ്റ്റ്മാസ്റ്റർ ജനറൽ ഓഫീസിൽ ഓൺലൈനായി നടത്തും. മാവേലിക്കര, ആലപ്പുഴ, ചങ്ങനാശേരി, കോട്ടയം, ഇടുക്കി, ആലുവ, എറണാകുളം, ഇരിങ്ങാലക്കുട, തൃശൂർ, ലക്ഷദ്വീപ് ഡിവിഷനുകൾക്ക് കീഴിലുള്ള പോസ്റ്റ് ഓഫീസുകളിലെ കൗണ്ടർ സേവനങ്ങൾ, സേവിംഗ്‌സ് ബാങ്ക്, മണിയോഡർ തുടങ്ങിയവ സംബന്ധിച്ച പരാതികൾ പരിഗണിക്കും. മുൻ അദാലത്തുകളിൽ പരിഗണിക്കപ്പെട്ടിട്ടുള്ള പരാതികൾ അയക്കേണ്ടതില്ല.

adpgcr.keralapost@gmail.com, pmgcr.keralapost@gmail.com എന്ന ഇമെയിലിലോ അല്ലെങ്കിൽ ഇടി. ഹരി, അസിസ്റ്റന്റ് ഡയറക്ടർ (പബ്ലിക് ഗ്രീവൻസസ്), ഓഫീസ് ഒഫ് ദ് പോസ്റ്റ്മാസ്റ്റർ ജനറൽ, സെൻട്രൽ റീജിയൺ, കൊച്ചി 682020 എന്ന വിലാസത്തിലോ 21നകം പരാതികൾ അയക്കണം.