കൊച്ചി: കൊച്ചി കോർപ്പറേഷനും ചെല്ലാനം ഗ്രാമപഞ്ചായത്തും സമർപ്പിച്ച 2021-22 വാർഷിക പദ്ധതികൾക്ക് ജില്ലാ ആസൂത്രണ സമിതി അംഗീകാരം നൽകി. പൊതു വിഭാഗത്തിൽ 58,40,23,857 രൂപയുടെ 646 പദ്ധതികളും പട്ടികജാതി വിഭാഗത്തിൽ 6,90,06,000 രൂപയുടെ 31 പദ്ധതികളും പട്ടികവർഗ വിഭാഗത്തിൽ 1,79,49,000 രൂപയുടെ 16 പദ്ധതികളും ഉൾപ്പടെ കോർപ്പറേഷന്റെ 127.70 കോടി രൂപയുടെ 693 പദ്ധതികൾക്കാണ് അംഗീകാരം ലഭിച്ചത്. ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് അദ്ധ്യക്ഷനും കളക്ടർ എസ്. സുഹാസ് മെമ്പർ സെക്രട്ടറിയും പ്ലാനിംഗ് ഓഫീസർ അംഗവുമായ അഡ്‌ഹോക്ക് ജില്ലാ ആസൂത്രണ സമിതി യോഗമാണ് അംഗീകാരനടപടികൾ പൂർത്തിയാക്കിയത്.ചെല്ലാനം ഗ്രാമ പഞ്ചായത്ത് പൊതു വിഭാഗത്തിൽ 4,30,92,000 രൂപയുടെ 104 ഉം പട്ടികജാതി വിഭാഗത്തിൽ 53,22,000 രൂപയുടെ 10 ഉം ഉൾപ്പടെ 16,32,47,047 കോടി രൂപയുടെ 114 പദ്ധതികൾക്കാണ് അംഗീകാരം നേടിയത്.യോഗത്തിൽ പഞ്ചായത്ത് ഡെപ്യൂട്ടി ഡയറക്ടർ ഇൻ ചാർജ് കെജെ. ജോയ്, എ. ഡി. സി ജനറൽ ശ്യാമലക്ഷ്മി , ഉദ്യോഗസ്ഥർ തുടങ്ങിയവരും പങ്കെടുത്തു.