മുളന്തുരുത്തി: എസ്.എൻ.ഡി പി യോഗം തലയോലപ്പറമ്പ് യൂണിയൻ കെ.ആർ നാരായണൻ സ്മാരക വനിതാ സംഘം, കാഞ്ഞിരമറ്റം 1804-ാം നമ്പർ സൗത്ത് ശാഖാ വനിതാ സംഘം എന്നിവയുടെ സംയുക്താഭിമുഖ്യത്തിൽ വിദ്യാർത്ഥികൾക്ക് പഠനോപകരണങ്ങൾ നൽകി. ശാഖാ പ്രസിഡന്റ് പി.എസ്. അയ്യപ്പൻ അദ്ധ്യക്ഷത വഹിച്ച ചടങ്ങിൽ വനിതാ സംഘം യൂണിയൻ കമ്മിറ്റിയംഗം ഓമന രാമകൃഷ്ണൻ വിതരണോദ്ഘാടനം നിർവഹിച്ചു. ശാഖാ വൈസ് പ്രസിഡന്റ് എം.ആർ ഷിബു, സെക്രട്ടറി സജി കരുണാകരൻ, ബാബു പനങ്ങാടൻ എന്നിവർ പങ്കെടുത്തു.