തൃക്കാക്കര: കാക്കനാട് ഓണം പാർക്ക് ഏറ്റെടുക്കാനുളള ജി.സി.ഡി.എയുടെ നീക്കം ഹൈക്കോടതി തടഞ്ഞു. തൃക്കാക്കര സാംസ്കാരിക കേന്ദ്രം പ്രസിഡന്റ് എ.സി.കെ നായരും കോർഡിനേറ്റർ പോൾ മേച്ചേരിയും സമർപ്പിച്ച ഹർജിയിലാണ് തൽസ്ഥി​തി​ തുടരാൻ ഹൈക്കോടതിയുടെ ഇടക്കാല ഉത്തരവ്.

ആറ് ആഴ്ചയ്ക്കു ശേഷം കേസ് വീണ്ടും പരി​ഗണി​ക്കും. ഇരുകക്ഷി​കളോടെു വി​ശദീകരണം സമർപ്പി​ക്കാൻ നി​ർദേശിച്ചി​ട്ടുണ്ട്.

2014 ലാണ് ഡി.ടി.പി.സി.എയുടെ നേതൃത്വത്തിൽ ഓണം പാർക്ക് വി​കസി​പ്പി​ച്ചത്. കവി ചെമ്മനം ചാക്കോയുടെ നേതൃത്വത്തിലാണ് ഇത് സാംസ്കാരിക കേന്ദ്രമായി​ മാറി​യത്.

ജി​.സി​.ഡി​.എ ഭവനപദ്ധതി​യുടെ ഭാഗമായി​രുന്നു ഓണം പാർക്കും മാവേലിപുരം റസിഡൻസ് അസോസിയേഷന്റെ ഹാളും. ഹാൾ ഏറ്റെടുക്കാനുള്ള ജി​.സി​.ഡി​.എയുടെ നീക്കവും ഹൈക്കോടതി​യി​ൽ നി​യമയുദ്ധത്തി​ലാണ്.