മുവാറ്റുപുഴ: പ്ലാസ്റ്റിക്കുകൾ വിറ്റ് കിട്ടിയ പണം കൊണ്ട് വാർഡിലെ അർഹരായ 100കുട്ടികൾക്ക് പഠനോപകരണങ്ങൾ നൽകി.നഗരസഭ എട്ടാം വാർഡിൽ പരിസ്ഥിതി സംരക്ഷണ വാരത്തോടനുബന്ധിച്ച് വാർഡ് കൗൺസിലർ ഫൗസിയ അലിയുടെ നേതൃത്വത്തിൽ വാർഡിലെ എല്ലാ വീടുകളിൽ നിന്നുമാണ് പ്ലാസ്റ്റിക്കുകൾ ശേഖരിച്ചത്. വിതരണോദ്ഘാടനം നഗരസഭ മുൻ വികസനാ കാര്യസ്റ്റാൻഡിംഗ് കമ്മിറ്റി ചെയർമാനും ഹൗസിംഗ് സഹകരണ സംഘം പ്രസിഡന്റുമായ കെ.എ.നവാസ് നിർവഹിച്ചു. മൂവാറ്റുപുഴ നഗരസഭ പ്രതിപക്ഷ നേതാവ് ആർ.രാകേഷ്, സ്റ്റാൻഡിംഗ് കമ്മിറ്റി ചെയർമാൻ നിസ അഷറഫ്, കൗൺസിലർമാരായ കെ.ജി അനിൽ കുമാർ, ജാഫർ സാദിഖ്, പി.വി രാധ കൃഷ്ണൻ, നെജില ഷാജി, പി.എം സലിം, മുൻ കൗൺസിലർ പി.വൈ.നൂറുദ്ധീൻ, സി.പി.എം ബ്രാഞ്ച് സെക്രട്ടറി മജീദ് മാങ്ങാടൻ എന്നിവർ പങ്കെടുത്തു.