ആലുവ: വിവിധ സ്റ്റേഷനുകളിലായി 10 കേസുകളിൽ പ്രതിയായ അയ്യമ്പുഴ ചുള്ളി നെടുങ്കോട് പൈനാടത്ത് വീട്ടിൽ സോമി (36) യെ കാപ്പ ചുമത്തി ജയിലിലടച്ചു. റൂറൽ ജില്ലാ പൊലീസ് മേധാവി. കെ. കാർത്തികിന്റെ റിപ്പോർട്ടിന്റെ അടിസ്ഥാനത്തിലാണ് അറസ്റ്റ് ചെയ്ത് വിയ്യൂർ സെൻട്രൽ ജയിലിലടച്ചത്.അയ്യമ്പുഴ, അങ്കമാലി, കാലടി പൊലീസ് സ്റ്റേഷനുകളിലായി കൊലപാതകശ്രമം, പിടിച്ചുപറി, ദേഹോപദ്രവം, അന്യായമായി സംഘം ചേരൽ, അതിക്രമിച്ചുകടക്കൽ, ആയുധ നിയമപ്രകാരമുള്ള കേസ്, സ്‌ഫോടക വസ്തു നിയമ പ്രകാരമുള്ള കേസ്, സർക്കാർ ഉദ്യോഗസ്ഥരുടെ ഔദ്യോഗിക കൃത്യനിർവഹണം തടയൽ തുടങ്ങി നിരവധി കേസുകളിലെ പ്രതിയാണ്. 2017ൽ കാപ്പ നിയമ പ്രകാരം ആറ് മാസത്തേക്ക് ജയിലിൽ അടച്ചിരുന്നു. കഴിഞ്ഞ മാർച്ചിൽ ഇയാൾ കാലടി പൊലീസ് സ്റ്റേഷനിൽ രജിസ്റ്റർ ചെയ്ത കേസിൽ പ്രതിയായതിനെ തുടർന്നാണ് വീണ്ടും കാപ്പ പ്രകാരം ജയിലിൽ അടച്ചത്. ഓപ്പറേഷൻ ഡാർക്ക് ഹണ്ടിന്റെ ഭാഗമായി ഇതുവരെ 27 പേരെ കാപ്പ നിയമ പ്രകാരം അറസ്റ്റ് ചെയ്തതായും, 26 പേരെ നാട് കടത്തിയിട്ടുള്ളതായും എസ്.പി.കെ.കാർത്തിക് പറഞ്ഞു.