കോതമംഗലം: ഗുരുകാരുണ്യം പദ്ധതിയുടെ ഭാഗമായി എസ്.എൻ.ഡി.പി യോഗം കോതമംഗലം യൂണിയനിലെ കറുകടം ശാഖ മുഴുവൻ കുടുംബാംഗങ്ങൾക്കും അരിയും പച്ചക്കറിയും വിതരണം ചെയ്തു. ഭക്ഷ്യധാന്യക്കിറ്റുകളുടെ വിതരണോദ്ഘാടനം യൂണിയൻ സെക്രട്ടറി പി.എ.സോമൻ കുമാരി സംഘം പ്രസിഡന്റ് അതിര സലീംകുമാറിന് നൽകി നിർവഹിച്ചു.ശാഖാ പ്രസിഡന്റ് കെ.എൻ.കുട്ടപ്പൻ അദ്ധ്യക്ഷത വഹിച്ച ചടങ്ങിൽ സെക്രട്ടറി ഇ.കെ.സുഭാഷ്, വൈസ് പ്രസിഡന്റ് സി.വി.ജയദേവൻ, കമ്മിറ്റി അംഗങ്ങളായ രാജി രാമചന്ദ്രൻ ,ശോഭന വിജയൻ ,എ.കെ മോഹനൻ, ടി.പി.ബൈജു, കെ.കെ.വിശ്വനാഥൻ, എ.കെ.ശശി, കുമാരി സംഘം സെക്രട്ടറി അമൃത സുധൻ തുടങ്ങിയവർ സംസാരിച്ചു.