കൊച്ചി: ലക്ഷദ്വീപി​ൽ മൂന്നുമാസമായി​ നി​ലനിന്നിരുന്ന ലോക്ക്ഡൗൺ ഇന്നലെ പിൻവലിച്ചു. വൈകിട്ട് 5 മുതൽ രാവിലെ 6 വരെ രാത്രികാല കർഫ്യൂ തുടരും. ശനി​യും ഞായറും സമ്പൂർണ ലോക്ക്ഡൗണുമുണ്ടാകും.

കവരത്തി, ബിത്ര, കിൽത്താൻ, മിനിക്കോയി ദ്വീപുകളിലാണ് ലോക്ക്ഡൗൺ ഉണ്ടായി​രുന്നത്. ഇവിടങ്ങളിലെ സർക്കാർ ഓഫീസുകൾ ഇന്നു മുതൽ പ്രവ‌ർത്തിക്കും.

ഹോട്ടലുകൾക്ക് രാവിലെ 7.30 മുതൽ 9.30 വരെയും ഉച്ചയ്ക്ക് 1 മുതൽ 3 വരെയും വൈകിട്ട് 6 മുതൽ 9 വരെയും പ്രവർത്തിക്കാം. ഹോം ഡെലിവറി മാത്രമേ അനുവദിക്കൂ. എല്ലാ കടകളും പരമാവധി അഞ്ചുപേരെ പ്രവേശി​പ്പി​ച്ച് തുറക്കാം. സാമൂഹിക, രാഷ്ട്രീയ സംഘടനകളുടെയും ആരാധനാലയങ്ങളിലെയും ആഘോഷങ്ങൾക്ക് കളക്ടറുടെ മുൻകൂ‌ർ അനുമതി വേണം. മത്സ്യബന്ധന, നിർമ്മാണ മേഖലകളുമായി ബന്ധപ്പെട്ട പ്രവർത്തനങ്ങൾ നടത്താനും ഡെപ്യൂട്ടി കളക്ടറുടെയോ ബ്ലോക്ക് ഡെവലപ്മെന്റ് ഓഫിസറുടെയോ അനുമതി വാങ്ങണം.