കോലഞ്ചേരി: ചുമട്ടുതൊഴിലാളികൾക്കും ഓട്ടോറിക്ഷ ഡ്രൈവർമാർക്കുമായി കടയിരുപ്പ് സിന്തൈറ്റ് ഗ്രൂപ്പ് കൊവിഡ് വാക്സിൻ സൗജന്യമായി നൽകുന്നു. കടയിരുപ്പ് മേഖലയിലെ ഓട്ടോറിക്ഷ, ചുമട് ,ശുചീകരണ തൊഴിലാളികൾക്കാണ് നൽകിയത്. ആദ്യഡോസ് സ്വീകരിച്ചവർക്ക് 29 ദിവസം കഴിഞ്ഞ് രണ്ടാം ഡോസും നൽകും. സിന്തൈ​റ്റ് ഗ്രൂപ്പ് എം.ഡി. ഡോ.വിജു ജേക്കബ് വിത്ണോദ്ഘാടനം ന‌ിർവഹിച്ചു. കമ്പനി പ്രതിനിധികളായ ലിജോ ജോർജ്, ജെയ്‌സ് രാജു, എൻ.എൻ. രാജൻ, ജോൺ ജോസഫ്, എം.എ. പൗലോസ്, പിവി. കുട്ടൻ തുടങ്ങിയവർ പങ്കെടുത്തു.