പെരുമ്പാവൂർ: വല്ലം യൂത്ത് കെയറിന്റെ ആഭിമുഖ്യത്തിൽ എന്റെ നാടിനൊപ്പം എന്ന ആശയവുമായി കുട്ടികൾക്കുള്ള പഠനോപകരണ വിതരണം നടത്തി. സെന്റ് തെരേസാസ് എസ്.എൽ.പി സ്‌കൂളിലെ എല്ലാ വിദ്യാർത്ഥികൾക്കും പഠനോപകരണങ്ങൾ നൽകി. ഫാദർ പോൾ മാടശേരി, അദ്ധ്യാപിക ആൻസി ജോസഫ്, പി.ടി.എ. പ്രസിഡന്റ് ജൂഡ്സൺ ഫിഗറസ്, സിസ്റ്റർ മെറീന എന്നിവർക്ക് പഠനോപകരണങ്ങൾ കൈമാറി. നഗരസഭ ചെയർമാൻ ടി.എം.സക്കീർ ഹുസൈൻ ഉദ്ഘാടനം ചെയ്തു. ജഫർ റോഡ്രിഗസ് അദ്ധ്യക്ഷത വഹിച്ചു. ടി.ജി. സുനിൽ, ഡോണി ഡേവിഡ്, ഇ.ടി. ഡിജോ, എ.വി. തോമസ്, എൻ.എ. മൻസൂർ, ഇ.പി. ജെയിംസ്, ഇ.പി. ബെഞ്ചമിൻ, എ.പി. അവറാച്ചൻ തുടങ്ങിയവർ നേതൃത്വം നൽകി.