കോലഞ്ചേരി: വനംകൊള്ളയുമായി ബന്ധപ്പെട്ട് ജുഡീഷ്യൽ അന്വേഷണം നടത്തണമെന്നാവശ്യപ്പെട്ട് യു.ഡി.എഫ് വിവിധ കേന്ദ്രങ്ങളിൽ ധർണ നടത്തി. മഴുവന്നൂർ മണ്ഡലം കമ്മി​റ്റിയുടെ നേതൃത്വത്തിൽ വനം വകുപ്പ് വീട്ടൂർ ഡിപ്പോ ഓഫീസിനു മുന്നിൽ ഡി.സി.സി ജനറൽ സെക്രട്ടറി എം.ടി. ജോയി ഉദ്ഘാടനം ചെയ്തു. മണ്ഡലം പ്രസിഡന്റ് ടി.ഒ.പീ​റ്റർ അദ്ധ്യക്ഷനായി. അറക്കപ്പടി വില്ലേജ് ഓഫീസിന് മുന്നിൽ അറക്കപ്പടി മണ്ഡലം കമ്മ​റ്റിയുടെ ധർണ ബ്ലോക്ക് കോൺഗ്രസ് വൈസ് പ്രസിഡന്റ് കെ.എൻ.സുകുമാരൻ ഉദ്ഘാടനം ചെയ്തു. മണ്ഡലം പ്രസിഡന്റ് അഡ്വ. അരുൺ പോൾ ജേക്കബ് അദ്ധ്യക്ഷനായി. പട്ടിമ​റ്റം മണ്ഡലം കമ്മിറ്റിയുടെ ധർണ വി.പി. സജീന്ദ്രൻ ഉദ്ഘാടനം ചെയ്തു. മണ്ഡലം പ്രസിഡന്റ് കെ.എം. പരീത്പിള്ള അദ്ധ്യക്ഷനായി. വടവുകോട് ബ്ലോക്ക് പഞ്ചായത്ത് പ്രസിഡന്റ് വി ആർ അശോകൻ, എ. പി. കുഞ്ഞുമുഹമ്മദ്,ബാബുസെയ്താലി തുടങ്ങിയവർ നേതൃത്വം നൽകി.