കൊച്ചി: കർഷകരെ മറയാക്കി കാട്ടുകള്ളന്മാരെ സഹായിച്ച സർക്കാരാണിതെന്ന് കെ.പി.സി.സി വർക്കിംഗ് പ്രസിഡന്റ് പി.ടി തോമസ് എം.എൽ.എ പറഞ്ഞു.
മരംകൊള്ളയിൽ ജുഡിഷ്യൽ അന്വേഷണം ആവശ്യപ്പെട്ട് യു.ഡി.എഫ് സംസ്ഥാന വ്യാപകമായി നടത്തിയ പ്രതിഷേധ ധർണയുടെ ജില്ലാതല ഉദ്ഘാടനം കണയന്നൂർ താലൂക്ക് ഓഫീസിന് മുന്നിൽ നടത്തുകയായിരുന്നു അദ്ദേഹം.

ജില്ലാ ചെയർമാൻ ഡൊമിനിക് പ്രസന്റേഷൻ അധ്യക്ഷനായി. നേതാക്കളായ കെ.വി.പി കൃഷ്ണകുമാർ, ജെ.ബി ഭട്ട്, ദിനേശ് കർത്ത, ടി.കെ പത്മനാഭൻ തുടങ്ങിയവർ സംസാരിച്ചു.