കൊച്ചി​: ഗുരുപൗർണ്ണമി പോലുള്ള ഉദാത്തമായ മഹാകാവ്യരചനയിലൂടെ മലയാളി​കളെ പ്രചോദി​പ്പി​ച്ച കവി എസ്.രമേശൻ നായരെ കേരളത്തി​ന് മറക്കാനാകില്ലെന്ന് പ്രശസ്ത സംഗീത സംവിധായകൻ കെ.എം.ഉദയൻ പറഞ്ഞു. എസ്.എൻ.ഡി.പി. കലൂർ ശാഖാ യോഗവും ചതയോപഹാര ഗുരുദേവ ട്രസ്റ്റും സംയുക്തമായി സംഘടി​പ്പി​ച്ച എസ്.രമേശൻ നായർ അനുസ്മരണ സായാഹ്നത്തിൽ മുഖ്യപ്രഭാഷണം നടത്തുകയായി​രുന്നു അദ്ദേഹം.
ശാഖാ പ്രസിഡന്റ് പി.ഐ.തമ്പി അദ്ധ്യക്ഷത വഹിച്ചു. ട്രസ്റ്റ് കൺവീനർ കെ.കെ.പീതാംബരൻ സ്വാഗതം പറഞ്ഞു. പി. എം.മനീഷ് ,അർജ്ജുൻ ഗോപിനാഥ് കെ.ബി.സുരേഷ് ലാൽ, എൻ.കെ.മോഹനൻ എന്നിവർ സംസാരിച്ചു.ശാഖാ സെക്രട്ടറി ഐ.ആർ.തമ്പി നന്ദി പറഞ്ഞു.