അങ്കമാലി: ഇന്ധന വില വർദ്ധനവ് പിൻവലിക്കുക, തൊഴിലുറപ്പ് തൊഴിലാളികൾക്ക് ജാതി അടിസ്ഥാനത്തിൽ വേതനം നൽകാനുള്ള കേന്ദ്ര സർക്കാർ തീരുമാനം പിൻവലിക്കുക, ലക്ഷദ്വീപ് നിവാസികളുടെ അവകാശങ്ങൾ സംരക്ഷിക്കുക തുടങ്ങിയ ആവശ്യങ്ങൾ ഉന്നയിച്ച് തൊഴിലുറപ്പ് തൊഴിലാളികൾ ധർണ നടത്തി. തുറവൂർ കവലയിൽ നടന്ന സമരം മുൻപഞ്ചായത്ത് പ്രസിഡന്റ് കെ.വൈ.വർഗീസ് ഉദ്ഘാടനം ചെയ്തു. യൂണിയൻ ഏരിയാ പ്രസിഡന്റ് ലത ശിവൻ അദ്ധ്യക്ഷത വഹിച്ചു. കെ.പി.രാജൻ, കെ. വി. പീറ്റർ,എം.എം ജെയ്‌സൺ, ഇ.കെ.രാജൻ, പി.വി.ജോയി എന്നിവർ സംസാരിച്ചു.