കൊച്ചി: കൊവിഡ് മഹാമാരിയിൽ ജീവിതം വഴിമുട്ടിയ ജനങ്ങൾക്കുമേൽ അടിച്ചേൽപ്പിക്കുന്ന ഇന്ധനവില വർദ്ധന മനുഷ്യത്വരഹിതവും ക്രൂരവുമാണെന്ന് എൻ.സി.പി സംസ്ഥാന അദ്ധ്യക്ഷൻ പി.സി.ചാക്കോ പറഞ്ഞു.

ഇന്ധനവില വർദ്ധനവിനെതിരെ എൽ.ഡി.എഫ് ഇന്ന് നടത്തുന്ന ജനകീയപ്രക്ഷോഭം കേരളം കണ്ട ഏറ്റവും വലിയ ബഹുജനസമരമായി മാറും. മോദി സർക്കാരിന്റെ ജനദ്രോഹ നടപടിക്കെതിരെ എൽ.ഡി.എഫ് നടത്തുന്ന ജനകീയ പ്രക്ഷോഭത്തിൽ സംസ്ഥാനത്തെ മുഴുവൻ എൻ.സി.പി പ്രവർത്തകരും സജീവമായി പങ്കെടുക്കണമെന്ന് പി.സി.ചാക്കോ പറഞ്ഞു.