ഉദയംപേരൂർ: എസ്.എൻ.ഡി.പി യോഗത്തിന്റെ കൊവിഡ് ദുരിതാശ്വാസ സഹായപദ്ധതിയായ ഗുരു കാരുണ്യത്തിന്റെ ഭാഗമായി ഉദയംപേരൂർ 1084-ാം നമ്പർ ശാഖ ഓൺലൈൻ പഠനസഹായമായി ഉദയംപേരൂർ എസ്.എൻ.ഡി.പി ഹയർ സെക്കൻഡറി സ്കൂൾ വിദ്യാർത്ഥികൾക്ക് ടാബ്‌ ലെറ്റുകൾ നൽകി. പത്താംക്ലാസ് വിദ്യാർത്ഥി വിഷ്ണു ഉണ്ണിക്കൃഷ്ണൻ ആദ്യ ടാബ് സ്വീകരിച്ചു. കണയന്നൂർ യൂണിയൻ ചെയർമാൻ മഹാരാജ ശിവാനന്ദൻ വിതരണോദ്ഘാടനം നിർവഹിച്ചു. യൂണിയൻ കൺവീനർ എം.ഡി. അഭിലാഷ്, യൂത്ത് മൂവ്മെന്റ് യൂണിയൻ പ്രസിഡന്റ് വിനോദ്, സെക്രട്ടറി ശ്രീജിത്ത്, ശാഖായോഗം പ്രസിഡന്റ് എൽ. സന്തോഷ്, സെക്രട്ടറി ഡി. ജിനുരാജ് തുടങ്ങിയവർ പങ്കെടുത്തു.