കോതമംഗലം: കോതമംഗലം നിയോജക മണ്ഡലത്തിലെ പ്രീ സ്കൂളുകളിൽ പഠിക്കുന്ന കുട്ടികൾക്കുള്ള പ്രവർത്തന പുസ്തകമായ കളിത്തോണി ലഭ്യമാക്കുമെന്ന് ആന്റണി ജോൺ എം.എൽ.എ അറിയിച്ചു.പൂക്കളും പൂമ്പാറ്റകളും ഉൾപ്പെടെ ഇഷ്ട കഥാപാത്രങ്ങൾ എല്ലാം അടങ്ങുന്ന സചിത്ര പ്രവർത്തന പുസ്തകമാണ് കളിത്തോണി.മണ്ഡലത്തിലെ 22 പ്രീ സ്കൂളുകളിലായി 3 വയസുള്ള 465 കുട്ടികൾക്കും 4 വയസുള്ള 443 കുട്ടികൾക്കുമാണ് കളിത്തോണി പുസ്തകത്തിന്റെ മൂന്നു ഭാഗങ്ങൾലഭ്യമാക്കുന്നത്.കളിത്തോണിയിലെ വിഭവങ്ങളിലൂടെ ആസ്വാദ്യമായ അനുഭവത്തിലൂടെ വിവിധ വികാസ മേഖലകളിലെ കഴിവുകൾ കുട്ടികളിൽ വളർത്തിയെടുക്കുവാൻ കഴിയുമെന്ന് ആന്റണി ജോൺ എം.എൽ.എ അറിയിച്ചു.