ഇടുക്കി: കൊവിഡ് 19 പ്രതിരോധ പ്രവർത്തനങ്ങളുടെ ഭാഗമായുള്ള വാക്‌സിൻ വിതരണം ജില്ലയിൽ ഊർജ്ജിതം. ജൂൺ 2 വരെയുള്ള കണക്ക് പ്രകാരം ജില്ലയിൽ 337,354 ഡോസ് വാക്‌സിനാണ് വിതരണം ചെയ്തത്. ജില്ലയിലെ ആകെ ജനസംഖ്യ 1079090. ഇതിൽ 311230 പേർ 45 വയസ്സിന് മുകളിൽ പ്രായമുള്ളവരും 476447 ആളുകൾ 18 വയസിനും 45 വയസിനും ഇടയിൽ പ്രായം ഉള്ളവരുമാണ്.

45 വയസിന് മുകളിൽ പ്രായമുള്ളളവർക്ക് രണ്ട് ഘട്ടങ്ങളിലുമായി 327975 ഡോസ് വാക്‌സിൻ ഇതിനോടകം വിതരണം ചെയ്തിട്ടുുണ്ട്. ഇതിൽ 265268 ആളുകൾക്ക് ആദ്യ ഡോസ് വാക്‌സിനും 62707 പേർക്ക് രണ്ടാം ഡോസ് വാക്‌സിനും നൽകിക്കകഴിഞ്ഞു. 45 വയസിന് താഴെ പ്രായമുള്ളവരിൽ 19541 വാക്‌സിൻ സ്വീകരിക്കുന്നതിനായി രജിസ്റ്റർ ചെയ്തിട്ടുണ്ട്. ഈ വിഭാഗത്തിൽ 9379 ആളുകൾ ഇതിനോടകം വാക്‌സിൻ സ്വീകരിച്ചിട്ടുണ്ട്.