തൊടുപുഴ: എസ്.എൻ.ഡി.പി യോഗം തൊടുപുഴ യൂണിയനിലെ മുഴുവൻ കുട്ടികളെയും ഗുരുദർശനം പഠിപ്പിച്ച് മൂല്യബോധമുള്ള പൗരന്മാരാക്കുക എന്ന ഉദ്ദേശത്തോടെ രവിവാര പാഠശാല ഓൺലൈൻ ക്ലാസ് നാളെ മുതൽ ആരംഭിക്കും. ഓൺലൈൻ പ്ലാറ്റ്‌ഫോമായ ഗൂഗിൾ മീറ്റിൽ 13ന് ഉച്ചയ്ക്ക് രണ്ടിന് യൂണിയൻ ചെയർമാൻ എ.ജി. തങ്കപ്പൻ ഉദ്ഘാടനം ചെയ്യും. യൂണിയൻ കൺവീനർ വി. ജയേഷ് അദ്ധ്യക്ഷത വഹിക്കുന്ന യോഗത്തിൽ യൂണിയൻ വൈസ് ചെയർമാൻ ഡോ. കെ. സോമൻ മുഖ്യപ്രഭാഷണം നടത്തും. തുടർന്ന് ഗുരു ധർമ്മ പ്രചാരകനായ ബിജു പുളിക്കലേടത്തിന്റെ അനുഗ്രഹ പ്രഭാഷണം ഉണ്ടാകും. യൂണിയൻ കമ്മറ്റിയംഗങ്ങളായ സി.പി. സുദർശനൻ, ഷാജി കല്ലാറയിൽ, വൈക്കം ബെന്നി ശാന്തി, യൂണിയൻ രവിവാര പാഠശാല കമ്മിറ്റിയംഗങ്ങൾ, പോഷക സംഘടനാ ഭാരവാഹികൾ, ശാഖാ ഭാരവാഹികൾ എന്നിവർ ആശംസകളർപ്പിക്കും.