തൊടുപുഴ: എസ്.എൻ.ഡി.പി യോഗം തൊടുപുഴ യൂണിയന്റെ അഭിമുഖ്യത്തിൽ ആരംഭിച്ച ഉച്ചഭക്ഷണ വിതരണത്തിന്റെ 26-ാമത്തെ ദിവസമായ ഇന്നലെ കാഞ്ഞിരമറ്റം ശാഖ ഭക്ഷണ പൊതികൾ നൽകി. കാഞ്ഞിരമറ്റം ശാഖാ വനിത സംഘം, കുടുംബയോഗം, യൂത്ത്മൂവ്‌മെന്റ് എന്നിവയുടെ സംയുക്താഭിമുഖ്യത്തിൽ തയ്യാറാക്കിയ ഭക്ഷണ പൊതികൾ കാഞ്ഞിരമറ്റം ശാഖ പ്രസിഡന്റ് എം.കെ. വിശ്വംഭരൻ, സെക്രട്ടറി സാജു ബാലകൃഷ്ണൻ, വനിതാ സംഘം, യൂത്ത്മൂവ്‌മെന്റ്, കുടുംബയോഗം തുടങ്ങിയവയുടെ ഭാരവാഹികൾ ചേർന്ന് യൂണിയൻ കൺവീനർ വി. ജയേഷിന് കൈമാറി.