ഇടുക്കി: കോടതി ഉത്തരവിന്റെ അടിസ്ഥാനത്തിൽ നിയമിക്കപ്പെട്ട ഏകാംഗ കമ്മിറ്റിയിൽ തേയില തോട്ടം തൊഴിലാളികളുടെ വേതന കുടിശ്ശികയുമായി ബന്ധപ്പെട്ട ക്ലെയിമുകൾ ഫയൽ ചെയ്യുന്നതിനുള്ള സമയപരിധി ഈ മാസം 30 വരെ നീട്ടി. നേരത്തെ മേയ് 30 വരെ ആയിരുന്നു ക്ലെയിം സമർപ്പിക്കുന്നതിന് സമയം അനുവദിച്ചിരുന്നത്. ഏകാംഗ കമ്മിറ്റി ജഡ്ജ് (റിട്ട.) അഭയ് മനോഹർ സപ്രെയുടെ സിറ്റിംഗ് ജൂലായ് 13ലേക്ക് മാറ്റിയതിനെ തുടർന്നും കൊവിഡ് നിയന്ത്രണങ്ങളെ തുടർന്നുമാണ് ക്ലെയിം ഫയൽ ചെയ്യുന്നതിനുള്ള സമയപരിധി നീട്ടിയത്. തൊഴിലാളി/ട്രേഡ് യൂണിയൻ പ്രതിനിധി/തൊഴിലുടമ എന്നിവർക്ക് അവരുടെ ക്ലെയിമുകൾ/ഡോക്യുമെന്റ്‌സ്/അഫിഡവിറ്റ് എന്നിവ സെക്രട്ടറി മുൻപാകെ ജൂൺ 30 വരെ സമർപ്പിക്കാവുന്നതാണ്.